ମାର୍ଚ୍ଚ ପହିଲାରୁ ଟିକେଟ ବାଣ୍ଟିବ କଂଗ୍ରେସ
ମାର୍ଚ୍ଚ ପହିଲାରୁ ଟିକେଟ ବାଣ୍ଟିବ କଂଗ୍ରେସ । ପ୍ରଥମ ପର୍ଯ୍ୟାୟରେ ପ୍ରାୟ ୭୦ ଟିକେଟ ଘୋଷଣା କରିବ କଂଗ୍ରେସ । ପ୍ରଦେଶ ନିର୍ବାଚନ କମିଟି ବୈଠକରେ ପିସିସି ସଭାପତି ସୂଚନା ଦେଇଛନ୍ତି । ଆଗୁଆ ଟିକେଟ ପ୍ରଦାନ ପାଇଁ କଂଗ୍ରେସ ପିଇସି ବୈଠକ କରିଥିଲେ । ଯେଉଁମାନେ କଂଗ୍ରେସ ପ୍ରାର୍ଥୀ ହେବାକୁ ଇଚ୍ଛୁକ ସେମାନଙ୍କୁ ପ୍ରଗମନ ଆପରେ ଆବେଦନ କରିବାକୁ ଦଳ ଆହ୍ୱାନ କରିଥିଲା । ବିଧାୟକ ପ୍ରାର୍ଥୀ ହେବାକୁ ୩ ହଜାର ଏବଂ ସାଂସଦ ପ୍ରାର୍ଥୀ ହେବାକୁ ୭୦୦ ଜଣ ଆବେଦନ କରିଥିବା ଜଣାପଡିଛି । ଆଶାୟୀଙ୍କ ତାଲିକା ପ୍ରସ୍ତୁତ ହେବା ପରେ ଏହାକୁ ସ୍କ୍ରିନିଂ କମିଟିକୁ ପଠାଯିବ । ବୈଠକରେ ପିସିସି ସଭାପତିଙ୍କ ସହ ପ୍ରଦେଶ ନିର୍ବାଚନ କମିଟିର ୨୩ ଜଣ ସଦସ୍ୟ ଉପସ୍ଥିତ ଅଛନ୍ତି ।
