ଜଘନ୍ୟ ବିଭଶ୍ଚ ଅମାନୁସିକତାର ନୂଆ କାହାଣୀ । ବିଚ ରାସ୍ତାରେ ଯୁବକଙ୍କୁ ଗୋଡାଇ ଗୋଡାଇ ହାଣିଲେ ଦୁର୍ବୁତ୍ତ । ଏଭଳି ଅଭବନୀୟ ଘଟଣା ଘଟିଛି ଗଞ୍ଜାମ ଜିଲ୍ଲା ଜରଡ଼ା ଥାନା ପାତ୍ରପୁର ବ୍ଲକ ବାବନପୁର ଗାଁ ପଥର କୁଆଁରୀ ନିକଟରେ । ତେବେ ସୂଚନା ଅନୁଯାୟୀ ସୁନ୍ଦର ରାଓ ନାମକ ବ୍ୟକ୍ତିଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୁତ୍ତ । ଗୁରୁତର ଅବସ୍ଥାରେ ପାତ୍ରପୁର ମେଡିକାଲ ପରେ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରାଯାଇଛି ।
ତେବେ ସୁନ୍ଦର ରାଓ ଚିକିଟି ନିର୍ବାଚନ ମଣ୍ଡଳୀର ପାତ୍ରପୁର ବ୍ଲକ ଖମାରି ଗାଁ ପଂଚାୟତ ବାବନପୁର ଗ୍ରାମ ବାସିନ୍ଦା ହେବା ସହ ବିଜେଡିର ଜଣେ ସକ୍ରିୟ କର୍ମୀ । ଗାଁକୁ ଫେରୁଥିବା ବେଳେ ବିଳମ୍ବିତ ରାତିରେ ୬ରୁ ୭ ଜଣ ଦୁର୍ବୃତ୍ତ ହତ୍ୟା ଉଦ୍ୟମ ସହ ଖଣ୍ଡା ଓ କାତିରେ ଆକ୍ରମଣ କରିଥିବା ଅଭିଯୋଗ ହୋଇଛି । ଏଥିରେ ସୁନ୍ଦର ରାଓଙ୍କ ହାତ, ଗୋଡ଼ ଓ ପିଠି ସହ ଶରୀରର ଅନେକ ସ୍ଥାନରେ ଗଭୀର କ୍ଷତ ହୋଇଛି । ଖବର ପାଇ ଘଟଣାସ୍ଥଳରେ ପହଞ୍ଚିଥିଲା ଜରଡା ପୋଲିସ ଏବଂ ତଦନ୍ତ କରୁଥିବା ମଧ୍ୟ ଦେଖିବାକୁ ମିଳିଛି । ତେବେ ଏହି ଘଟଣା ପଛରେ ରାଜନୈତିକ ଆକ୍ରୋଶ ନା ଆଉ କିଛି ତାହା ଦେଖିବାକୁ ବାକି ରହିଲା ।
