ସୁଖୱିର ସିଂ ବାଦଲଙ୍କୁ ଆକ୍ରମଣ
ପଞ୍ଜାବ ପୂର୍ବତନ ଉପ-ମୁଖ୍ୟମନ୍ତ୍ରୀ ତଥା ସିରୋମଣୀ ଅକାଳୀ ଦଳ ମୁଖ୍ୟ ସୁଖବୀର ସିଂ ବାଦଲଙ୍କୁ ଆକ୍ରମଣ । ଅମୃତସର ସ୍ବର୍ଣ୍ଣମନ୍ଦିର ବାହାରେ ସୁଖବୀର ସିଂ ବାଦଲଙ୍କ ଉପରକୁ ଗୁଳିମାଡ଼ ହୋଇଛି । ତେବେ ଗୁଳିମାଡ଼ରୁ ଅଳ୍ପକେ ବର୍ତି ଯାଇଛନ୍ତି ଅକାଳୀ ଦଳ ସଭାପତି । ସ୍ବର୍ଣ୍ଣ ମନ୍ଦିର ପ୍ରବେଶ ଦ୍ବାର ପାଖରେ ସୁଖବୀରଙ୍କ ଉପରେ ଗୁଳିମାଡ଼ କରିଛି ଜଣେ ବ୍ୟକ୍ତି । ମାତ୍ର ତୁରନ୍ତ ତାକୁ ଧରି ପକାଇଥିଲେ ସେଠାରେ ଉପସ୍ଥିତ ଅକାଳୀ ଦଳର କର୍ମୀ । ଅଭିଯୁକ୍ତର ନାମ ନାରାୟଣ ସିଂକୁ ଗିରଫ କରିଛି ପୋଲିସ । ସୂଚନା ଅନୁସାରେ ସୁଖବୀର ଏବେ ସ୍ବର୍ଣ୍ଣ ମନ୍ଦିର ବାହାରେ ଜଗୁଆଳି ସେବା ଯୋଗାଉଥିଲେ । ଏହି ସମୟରେ ତାଙ୍କୁ ହତ୍ୟା କରିବାକୁ ଉଦ୍ୟମ କରାଯାଇଛି । ପୋଲିସ ନାରାୟଣଙ୍କୁ ଗିରଫ କରି ତଦନ୍ତ ଜାରି ରଖିଛି ।
