ରକ୍ତ ଦେବୁ ଅନ୍ୟର ଜୀବନ ବଞ୍ଚାଇବୁ
ଯାଜପୁରରେ ଆୟୋଜିତ ହେଲା ରକ୍ତଦାନ ଶିବିର । ଯାଜପୁର ଜିଲ୍ଲା ଧର୍ମଶାଳା ବ୍ଲକ ଏଣ୍ଡଳବା ପଞ୍ଚାୟତର ବିଛାଖଣ୍ଡି ଗ୍ରାମରେ ଥିବା ସରସ୍ୱତୀ ଶିଶୁ ବିଦ୍ୟା ମନ୍ଦିର ପ୍ରାଙ୍ଗଣରେ ଆୟୋଜିତ ହୋଇଥିବା ଦେଖିବାକୁ ମିଳିଛି । ବିଦ୍ୟାଳୟର ପ୍ରତିଷ୍ଠାତା ପ୍ରଶାନ୍ତ କୁମାର ମହାନ୍ତି ଓ ସମ୍ପାଦକ ଶ୍ରୀ ପ୍ରଭାସ କୁମାର ନାୟକ ରକ୍ତଦାନ ମହତ ଦାନ ଚିନ୍ତାଧାରା ନେଇ ଏହି ରକ୍ତଦାନ ଶିବିର ଆୟୋଜନ କରିଥିଲେ । ଏଥିରେ ମୂଖ୍ୟ ଅତିଥି ଭାବେ ବଳରାମ ପୁର ସ୍ଥିତ ଆମ ଆଶ୍ରମର ପ୍ରତିଷ୍ଠାତା ମନୋଜ୍ କୁମାର ଧୀର, ଦଶମାଣ ପାଟଣା ଉଚ୍ଚ ବିଦ୍ୟାଳୟର ଶିକ୍ଷକ ,ସରପଞ୍ଚ ପ୍ରତିନିଧି ସୁରେଶ କୁମାର ପ୍ରଧାନ,,ବରିଷ୍ଠ ରାଜନୀତିଜ୍ଞ କାଳନ୍ଦୀ ଚରଣ ପାଣିଙ୍କ ସମେତ ବହୁ ବରିଷ୍ଠ ବ୍ୟକ୍ତି ଯୋଗଦେଇଥିଲେ । ସବୁଠୁ ବଡକଥା ହେଲକି ରକ୍ତଦାତା ମାନେ ଦୂର ଦୂଦୂରାନ୍ତରୁ ଆସି ସ୍ୱେଚ୍ଛାକୃତ ଭାବେ ରକ୍ତ ଦାନ କରିଥିବା ବେଳେ ଶିବିରରୁ ପ୍ରାୟ ୭୦ୟୁନିଟ୍ ରକ୍ତ ସଂଗ୍ରହ କରାଯାଇଛି । ଶିଶୁମନ୍ଦିରର ଗୁରୁଜୀ ଗୁରୁମା ମାନେ ମଧ୍ୟ ଏହି କାର୍ଯ୍ୟକ୍ରମରେ ବେସ ସହଯୋଗ କରିଥିବା ଦେଖିବାକୁ ମିଳିଛି । ସଭିଙ୍କ ଗୋଟିଏ ସ୍ଵର ଥିଲା ରକ୍ତ ଦେବୁ ଅନ୍ୟର ଜୀବନ ବଞ୍ଚାଇବୁ ।
