ବିଜେଡିରୁ ଆସିଥିବା ୮ ନେତାଙ୍କୁ ଟିକେଟ ଦେଲା ବିଜେପି
ବିଜେଡି ଛାଡ଼ିଲେ ବିଜେପିରୁ ଟିକେଟ ପାଇଲେ । ବିଜେଡିରୁ ଆସିଥିବା ୮ ନେତାଙ୍କୁ ଟିକେଟ ଦେଇଛି ବିଜେପି । ସେହି ନେତାମାନଙ୍କ ମଧ୍ୟରେ ରହିଛନ୍ତି ଅରବିନ୍ଦ ଢାଲି, ଆକାଶ ଦାସନାୟକ, ରାଜେନ୍ଦ୍ର ଦାସ, ସିଦ୍ଧାନ୍ତ ମହାପାତ୍ର, ପ୍ରିୟଦର୍ଶୀ ମିଶ୍ର, ପୂର୍ଣ୍ଣଚନ୍ଦ୍ର ସେଠୀ, ରଘୁରାମ ମାଛ ଓ ତ୍ରିନାଥ ଗମାଙ୍ଗ । ବିଜେଡିରେ କିଏ ବିଧାୟକ, କିଏ ସାଂସଦ ରହିଥିବା ଏହି ପ୍ରାର୍ଥୀମାନେ ଦଳଠାରୁ ଅସନ୍ତୁଷ୍ଟ ହୋଇ ଦଳ ଛାଡିଥିଲେ । ଆଉ ସମସ୍ତେ ବିଜେପିରେ ମିଶିଥିଲେ । ତେବେ ବିଜେପି ତାଙ୍କୁ ଭରସା କରି ଟିକେଟ ପ୍ରଦାନ କରିଛି । ଅରବିନ୍ଦ ଢାଲିଙ୍କୁ ଜୟଦେବରୁ ପ୍ରାର୍ଥୀ କରିଛି ବିଜେପି । କୋରେଇରୁ ଆକାଶ ଦାସ ନାୟକ, ସୋରରୁ ରାଜେନ୍ଦ୍ର ଦାସ, ଦିଗପହଣ୍ଡିରୁ ସିଦ୍ଧାନ୍ତ ମହାପାତ୍ରଙ୍କୁ ପ୍ରାର୍ଥୀ କରିଛି ବିଜେପି । ଉତ୍ତର ଭୁବନେଶ୍ୱରରୁ ପ୍ରିୟଦର୍ଶୀ ମିଶ୍ର, ଖଲ୍ଲିକୋଟରୁ ପୂର୍ଣ୍ଣଚନ୍ଦ୍ର ସେଠୀ, କୋରାପୁଟରୁ ରଘୁରାମ ମାଛ, ଗୁଣୁପୁରରରୁ ତ୍ରୀନାଥ ଗମାଙ୍ଗଙ୍କୁ ଟିକେଟ ଦେଇଛି ବିଜେପି ।
