‘ନବୀନଙ୍କ ପାଇଁ ବିଜେଡି ହାରିଲା’
ବିଜେଡି ପରାଜୟ ନେଇ ବିସ୍ଫୋରକ ମନ୍ତବ୍ୟ ଦେଲେ ଛେଣ୍ଡିପଦାର ପୂର୍ବତନ ବିଧାୟକ ସୁଶାନ୍ତ ବେହେରା । ସଭାପତି ଅଣଦେଖା କରିବାରୁ ଦଳର ପରାଜୟ ହେଲା ବୋଲି କହିଛନ୍ତି ସୁଶାନ୍ତ ବେହେରା । ସେ ଆହୁରି କହିଛନ୍ତି ଯେ, ଦଳ ଟିକେ ଭୁଲ୍ ବାଟରେ ପରିଚାଳିତ ହେଉଥିଲା । ଦଳକୁ ମୁଖ୍ୟମନ୍ତ୍ରୀ ଟିକେ ଅଣଦେଖା କଲେ, ସେଥିପାଇଁ ଦଳ ହାରିଲା ବୋଲି ସୁଶାନ୍ତ କହିଛନ୍ତି । ସେହିପରି ସେ ଆହୁରି କହିଛନ୍ତି, ସଭାକୁ ମୁଖ୍ୟମନ୍ତ୍ରୀ ସିଧା ଯିବା ବଦଳରେ ତାଙ୍କ ପ୍ରତିନିଧିଙ୍କୁ ପଠାଇଲେ । ପ୍ରତିନିଧି ଯିବାରୁ ବିଜେଡି କର୍ମୀ, ବ୍ୟକ୍ତିବିଶେଷ ଅସନ୍ତୁଷ୍ଟ ଥିଲେ । ସେହି ଅସନ୍ତୋଷ କାରଣ ପାଇଁ ବିଜୁ ଜନତା ଦଳ ହାରିଲା । ପରିଚାଳନାଗତ ତ୍ରୁଟିରୁ ଦଳ ପରାସ୍ତ ହେଲା ବୋଲି ସୁଶାନ୍ତ ବେହେରା କହିଛନ୍ତି ।ଅମର ଶତପଥୀଙ୍କୁ ଟିକେଟ ନ ମିଳିବାରୁ ସେ ଅସନ୍ତୁଷ୍ଟ ଅଛନ୍ତି । ଏଥିପାଇଁ ସେ ଭୁଲ୍ କଥା କହିଥାଇପାରନ୍ତି । କିନ୍ତୁ ସେ ଆମ ସହ ଅଛନ୍ତି । କୌଣସି ଦଳକୁ ଯାଇନାହାଁନ୍ତି । ସେ ବିଜୁ ଜନତା ଦଳ ଜମା ଛାଡ଼ି ନାହାନ୍ତି । ବରିଷ୍ଠ ନେତା ସବୁ ଦଳ ସହ ଅଛନ୍ତି । କିନ୍ତୁ ପରାଜୟ ପରେ କ୍ଷୋଭ ପ୍ରକାଶ କରୁଛନ୍ତି । ସେ କଥା ବେଶି ଦିନ ରହିବନି ବୋଲି ଛେଣ୍ଡିପଦାର ପୂର୍ବତନ ବିଧାୟକ ସୁଶାନ୍ତ ବେହେରା କହିଛନ୍ତି ।
