ଅପରାହ୍ନରେ ବିଜେଡିର ବଡ଼ ବୈଠକ
ଅପରାହ୍ନରେ ବିଜେଡିର ବଡ଼ ବୈଠକ । ଅପରାହ୍ନ ୩ଟା ୩୦ରେ ନବୀନ ନିବାସରେ ବସିବ ଗୁରୁତ୍ୱପୂର୍ଣ୍ଣ ବୈଠକ । ନବୀନ ନିବାସରୁ ବିଜେଡି ବରିଷ୍ଠ ନେତାଙ୍କୁ ଡାକରା । ତେବେ ଆସନ୍ତା ୨୦୨୪ ସାଧାରଣ ନିବାର୍ଚନ ସଂକ୍ରାନ୍ତରେ ଏହି ବୈଠକରେ ଆଲୋଚନା ହେଇପାରେ ବୋଲି ସୂଚନା ମିଳୁଛି । ତେବେ ନବୀନ ନିବାସରେ କଣ ଆଲୋଚନା ହେବ ସେନେଇ କୌଣସି ବିଧିବଦ୍ଧ ସୂଚନା ଦିଆଯାଇନି । କେବଳ ନିବାର୍ଚନ ସଂକ୍ରାନ୍ତରେ ବିଜେଡି ସୁପ୍ରିମୋ ଦଳର ନେତାଙ୍କ ସହ ଆଲୋଚନା କରିବେ ବୋଲି ସୂଚନା ମିଳୁଛି । ଏଥିପାଇଁ ଦଳର କିଛି ବରିଷ୍ଠ ବିଧାୟକ, ଏବଂ କୋର୍ ସଦସ୍ୟଙ୍କୁ ନବୀନ ନିବାସରୁ ଡକରା ଆସିଛି । ତେବେ ଆଜି ଦିଲ୍ଲୀରେ ବିଜେପିର କେନ୍ଦ୍ରୀୟ ନେତୃତ୍ୱ ସହ ରାଜ୍ୟ ବିଜେପି ନେତାଙ୍କର ମଧ୍ୟ ବୈଠକ ବସିବାକୁ ଅଛି । ସନ୍ଧ୍ୟା ୫ଟା ସମୟରେ ଏହି ବୈଠକ ବସିବ । ଏଥିପାଇଁ ରାଜ୍ୟ ବିଜେପିର ନେତାମାନେ ଦିଲ୍ଲୀ ଗସ୍ତରେ ବାହାରିଛନ୍ତି । ତେଣୁ ଏଭଳି ସମୟରେ ବିଜେଡିର ଏହି ବୈଠକ ରାଜନୈତିକ ମହଲରେ ଚର୍ଚ୍ଚା ସୃଷ୍ଟି କରିଛି ।
