ନୂତନ ବିଡ଼ିଓଙ୍କୁ ସ୍ଵାଗତ ସମ୍ବର୍ଦ୍ଧନା ଜଣାଇଲେ ‘ବିପଦର ବନ୍ଧୁ’
ପୋଲସରା ନୂତନ ଗୋଷ୍ଠୀ ଉନ୍ନୟନ ଅଧିକାରୀ କୁରେଶ କୁମାର ଜାନୀଙ୍କୁ ଭେଟି ସ୍ଵାଗତ ସମ୍ବର୍ଦ୍ଧନା ଜଣାଇଛନ୍ତି ଗଞ୍ଜାମ ଜିଲ୍ଲାର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ‘ବିପଦର ବନ୍ଧୁ’ର ସଦସ୍ୟ ମାନେ । ସଂଗଠନ ସଦସ୍ୟ ମାନେ ବିଡ଼ିଓଙ୍କୁ ଭେଟି ଆଗାମୀ ଦିନରେ ଅଞ୍ଚଳର ବିଭିନ୍ନ ମୌଳିକ ସମସ୍ୟାକୁ ପ୍ରାଥମିକତା ଭିତ୍ତିରେ ସମାଧାନ କରିବା ପାଇଁ ବିଡ଼ିଓଙ୍କୁ ନିବେଦନ କରିଛନ୍ତି । ବିପଦର ବନ୍ଧୁ ସଂଗଠନ ଜିଲ୍ଲାର ଏକ ଅଗ୍ରଣୀ ସ୍ବେଚ୍ଛାସେବୀ ସଂଗଠନ। ମୁଖ୍ୟତଃ ରକ୍ତ ଅଭାବକୁ ଦୂର କରିବା ସହ ଗରିବ ମେଧାବୀ ପିଲାଙ୍କ ପଠାପଢା ଦିଗରେ ଏହି ସଂଗଠନ ସହାୟତା କରିଆସୁଛନ୍ତି । ଆଗାମୀ ଦିନରେ କିଭଳି ପୋଲସରାର ଉନ୍ନତି ହେବ ସେନେଇ ସଂଗଠନର ସଦସ୍ୟ ମାନେ ବିଡ଼ିଓଙ୍କୁ ଭେଟି ଆଲୋଚନା କରିଛନ୍ତି । ଏହାସହ ନୂତନ ନିଯୁକ୍ତି ପାଇଁ ଶୁଭେଚ୍ଛା ଜଣାଇଛନ୍ତି ।
