ଏନକାଉଣ୍ଟରରେ ୩ ମାଓବାଦୀ ନିପାତ
ଛତିଶଗଡରେ ପୁଣି ଏନକାଉଣ୍ଟର । ୩ ମାଓବାଦୀ ନିପାତ । ସୁକୁମା ବିଜାପୁର ସୀମାରେ ଗୁଳି ବିନିମୟ । ସୁରକ୍ଷାବଳ ଏବଂ ମାଓବାଦୀଙ୍କ ମଧ୍ୟରେ ଗୁଳି ବିନିମୟରେ ୩ ମାଓବାଦୀଙ୍କ ନିପାତ ହୋଇଛନ୍ତି । ଡିଆରଜି , ଏସଟିଏଫ୍, କୋବ୍ରା ବାହିନୀର ମିଳିତ ଅପରେସନରେ ଏହି ସଫଳତା ମିଳିଛି । ଏବେବି ସୁରକ୍ଷାକର୍ମୀ ଏବଂ ମାଓବାଦୀଙ୍କ ମଧ୍ୟରେ ଗୁଳିବିନିମୟ ଚାଲିଥିବା ସୂଚନା। କିଛିଦିନ ପୂର୍ବରୁ ଛତିଶଗଡ଼ ଆଇଇଡି ବିସ୍ଫୋରଣରେ ୮ ଯବାନ ସହିଦ ହୋଇଥିଲେ। ବିସ୍ଫୋରଣ ପରେ ସର୍ଚ୍ଚ ଅପରେସନ ଜୋରଦାର କରାଯାଇଛି।ଦୁଇ ବର୍ଷରେ ବସ୍ତର ରେଞ୍ଜରେ ଏହା ସବୁଠାରୁ ବଡ଼ ହମଲା। ଏପ୍ରିଲ ୨୬, ୨୦୨୩ରେ ପଡ଼ୋଶୀ ଜିଲ୍ଲା ଦାନ୍ତେୱାଡାରେ ସୁରକ୍ଷାକର୍ମୀଙ୍କ ଗାଡ଼ି ଉପରକୁ ହୋଇଥିବା ନକ୍ସଲ ଆକ୍ରମଣରେ ୧୦ ପୋଲିସ କର୍ମୀ ଓ ଜଣେ ଡ୍ରାଇଭର ସହିଦ ହୋଇଥିଲେ।
