ଟ୍ରେନ୍ ଟ୍ରାକ୍ କୁ ମାଡିଆସିଲା ଆମ୍ବୁଲାନ୍ସ, ଅଟକିଗଲା ଟ୍ରେନ୍
ଲୋକୋ ପାଇଲଟ୍ ଉପସ୍ଥିତ ବୁଦ୍ଧି ଯୋଗୁ ବଡ଼ ଧରଣର ଦୁର୍ଘଟଣାରୁ ବର୍ତ୍ତିଲା ତପସ୍ୱିନୀ ଏକ୍ସପ୍ରେସ୍ । ବେଆଇନ୍ ଭାବେ ଟ୍ରାକ୍ ଅତିକ୍ରମ କରୁଥିବା ମୋ’ ପରିବାର ଆମ୍ୱୁଲାନ୍ସକୁ ଧକ୍କା ଦେଇଥିଲା ଟ୍ରେନ୍। ଆଜି ଅପରାହ୍ନରେ ଏପରି ଦୁର୍ଘଟଣା ରାୟଗଡ଼ା ଜିଲ୍ଲା ବିଷମକଟକରେ ଘଟିଛି। ଓଡ଼ିଶା ମୋ’ ପରିବାର ଆମ୍ବୁଲାନ୍ସ କଲ୍ୟାଣସିଂହପୁରରୁ ରୋଗୀ ଧରି ବିଷମକଟକ ହସ୍ପିଟାଲ୍ ଯାଇଥିଲା। ସେଠାରେ ରୋଗୀ ଛାଡ଼ି ଆମ୍ୱୁଲାନ୍ସଟି ଫେରୁଥିଲା। ତେବେ ପାଖ ହେବ ବୋଲି ଭାବି ଆମ୍ୱୁଲାନ୍ସ ଡ୍ରାଇଭର ବିଷମକଟକ ବୃନ୍ଦାବାଡ଼ି ଛକରେ ଥିବା ବିନା ପଞ୍ଜୀକୃତ କ୍ରସିଂରେ ଟ୍ରାକ୍ ଅତିକ୍ରମ କରୁଥିଲା। ଠିକ୍ ସେହି ସମୟରେ ସେହି ଟ୍ରାକ୍ରେ ଆସୁଥିଲା ତପସ୍ୱିନୀ ଏକ୍ସପ୍ରେସ୍। ଟର୍ଣ୍ଣିଂ ଥିବାରୁ ଲୋକୋ ପାଇଲଟ୍ ଟ୍ରେନ୍ର ବେଗ କମାଇ ଥିଲେ। ସେତିକି ବେଳେ ଟ୍ରାକ୍ରେ ଆମ୍ୱୁଲାନ୍ସ ଥିବା ଦେଖିବାକୁ ପାରିଥିଲେ ଲୋକୋ ପାଇଲଟ୍। ଆଉ କାଳ ବିଳମ୍ୱ ନକରି ସଙ୍ଗେ ସଙ୍ଗେ ଟ୍ରେନ୍ର ବ୍ରେକ୍ ମାରିଥିଲେ।
