ଅହମ୍ମଦାବାଦ ବିମାନ ଦୁର୍ଘଟଣା:ବ୍ଲାକ୍ ବକ୍ସରୁ ମିଳିଲା ଡାଟା
ଜୁନ୍ ୧୨ ଅହମ୍ମଦାବାଦରେ ଏୟାର ଇଣ୍ଡିଆ ଦୁର୍ଘଟଣା। ଦୁର୍ଘଟଣାର ତଦନ୍ତ କରୁଥିବା ଏୟାରକ୍ରାଫ୍ଟ ଆକ୍ସିଡେଣ୍ଟ ଇନଭେଷ୍ଟିଗେସନ୍ ବ୍ୟୁରୋ (AAIB)କୁ ଦୀର୍ଘଦିନ ପରେ ମିଳିଛି ବଡ଼ ସଫଳତା। ବିମାନର ବ୍ଲାକ୍ ବାକ୍ସରୁ କକପିଟ୍ ଭଏସ୍ ରେକର୍ଡର୍ (CVR) ଏବଂ ଫ୍ଲାଇଟ୍ ଡାଟା ରେକର୍ଡର୍ (FDR) ସୁରକ୍ଷିତ ଭାବରେ ବାହାର କରାଯାଇଛି । ଡାଟା ଡାଉନଲୋଡ୍ କରାଯାଇଛି। ବର୍ତ୍ତମାନ ସେସବୁର ତର୍ଜମା ଆରମ୍ଭ ହୋଇଛି। କାରଣ ବିମାନ ଦୁର୍ଘଟଣାର ତଦନ୍ତରେ ଏହି ଦୁଇଟି ରେକର୍ଡର୍ ସବୁଠାରୁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ। ଗତକାଲି ଦୁର୍ଘଟଣା ସୁରକ୍ଷା ମଡ୍ୟୁଲ (ସିପିଏମ୍) ସୁରକ୍ଷିତ ଭାବରେ ଉଦ୍ଧାର କରାଯାଇଥିଲା, ଏବଂ ମେମୋରୀ ମଡ୍ୟୁଲ ଆକ୍ସେସ କରାଯାଇଥିଲା ଏବଂ ଏହାର ତଥ୍ୟ ବିମାନ ଦୁର୍ଘଟଣା ତଦନ୍ତ ବ୍ୟୁରୋ (ଏଏଆଇବି) ଲ୍ୟାବ୍ରେ ଡାଉନଲୋଡ୍ କରାଯାଇଥିଲା।
ତେବେ ମିଳିଥିବା ସିଭିଆର୍ ଏବଂ ଏଫ୍ଡିଆର୍ ଡାଟାକୁ ନେଇ ଅଧିକ ବିଶ୍ଲେଷଣ ଜାରି ରହିଛି। ଅନ୍ତର୍ଜାତୀୟ ବେସାମରିକ ବିମାନ ଚଳାଚଳ ସଂଗଠନ (ICAO) ନିୟମ ଅନୁଯାୟୀ, ବିମାନ ଦୁର୍ଘଟଣାର ତଦନ୍ତକାରୀ ଦାୟିତ୍ୱରେ ଥିବା ବ୍ୟକ୍ତି ତଦନ୍ତର ସଂଗଠନ, ପରିଚାଳନା ଏବଂ ନିୟନ୍ତ୍ରଣ ପାଇଁ ଦାୟୀ ରହିବେ। ICAOର ପରିଶିଷ୍ଟ ୧୩ ଯାହା ବିମାନ ଦୁର୍ଘଟଣା ଏବଂ ଘଟଣାର ତଦନ୍ତ ପାଇଁ ନିର୍ଦ୍ଦେଶାବଳୀକୁ ରୂପରେଖା ଦିଏ, ଏହା ମଧ୍ୟ ଉଲ୍ଲେଖ କରେ ଯେ, ଦୁର୍ଘଟଣାର ୩୦ ଦିନ ମଧ୍ୟରେ ଏକ ପ୍ରାରମ୍ଭିକ ରିପୋର୍ଟ ଦାଖଲ କରିବାକୁ ପଡିବ।
