ପାଞ୍ଚଟି ଡେଙ୍ଗୁ ରୋଗୀ ଚିହ୍ନଟ, ଟେଷ୍ଟିଂ ବଢ଼ିଲେ ବଢିପାରେ ସଂଖ୍ୟା
ସମ୍ବଲପୁରରେ ଡେଙ୍ଗୁ ଭୟ । ଜିଲ୍ଲାରେ ପାଞ୍ଚଟି ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ଆଗକୁ ଟେଷ୍ଟିଂ ବଢ଼ିଲେ ଡେଙ୍ଗୁ ରୋଗୀଙ୍କ ସଂଖ୍ୟା ବଢ଼ିପାରେ ବୋଲି ଅନୁମାନ କରାଯାଉଛି । ତେବେ ଡେଙ୍ଗୁ ରୋଗୀ ସଂଖ୍ୟା ବଢ଼ିବାକୁ ନେଇ ମହାନଗର ନିଗମକୁ ଦାୟୀ କରିଛନ୍ତି ସମ୍ବଲପୁରବାସୀ । ସହର ସାରା ଯୁଆଡ଼େ ଦେଖିବେ କୁଢ଼ କୁଢ଼ ଆବର୍ଜନା ପଡ଼ିରହୁଥିବା ଅଭିଯୋଗ ହୋଇଛି । ସହରରେ ସଚେତନତା କି ଡେଙ୍ଗୁ ନିରାକରଣ ପାଇଁ ପଦକ୍ଷେପ ନିଆଯାଉନଥିବା ଅଭିଯୋଗ ହୋଇଛି । ସମ୍ବଲପୁର ସହରାଞ୍ଚଳରୁ ଚିହ୍ନଟ ରୋଗୀଙ୍କ ମଧ୍ୟରୁ ତିନିଜଣଙ୍କୁ ବୁର୍ଲା ସ୍ଥାନାନ୍ତର କରାଯାଇଥିବା ବେଳେ ଦୁଇଜଣ ଘରେ ରହି ଚିକିତ୍ସିତ ହେଉଛନ୍ତି । ଯେଉଁ ଅଞ୍ଚଳରେ ରୋଗୀ ବାହାରିଛନ୍ତି ସେ ଅଞ୍ଚଳରେ ଆହୁରି ଟେଷ୍ଟିଂ ବଢିଲେ ଡେଙ୍ଗୁ ରୋଗୀ ସଂଖ୍ୟା ବଢିପାରେ ବୋଲି ଡାକ୍ତର କହିଛନ୍ତି । ସେପଟେ ଡେଙ୍ଗୁ ମୁକାବିଲା ପାଇଁ ସ୍ବାର୍ଥ ବିଭାଗ ପ୍ରସ୍ତୁତ ଥିବା ଜଣାପଡିଛି ।
