ଗାଧୋଇବା ହେଲା କାଳ, ବ୍ରିଜ୍ ଖସି ଚାଲିଗଲ ୫ ଜୀବନ
ନିର୍ମାଣାଧୀନ ବ୍ରିଜ୍ ଭୁଶୁଡ଼ି ୫ ମୃତ । ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକର ଉପରସଜା ଗାଁରେ ଦେଖିବାକୁ ମିଳିଛି ଏପରି ଅଘଟଣ । ନାଳରେ ଗାଧୋଇବା ବେଳେ ଭୁଶୁଡ଼ି ପଡ଼ିଥିଲା ନିର୍ମାଣାଧୀନ ବ୍ରିଜ୍ । ନାଳ ଉପରେ ବ୍ରିଜଟି ତିଆରି ହେଉଥିଲା । ଲଗାଣ ବର୍ଷା କାରଣରୁ ନିର୍ମାଣାଧୀନ ବ୍ରିଜ୍ ଅଚାନକ ଭୁଶୁଡି ପଡିଥିବା ଅନୁମାନ କରାଯାଉଛି । ଏଥିଯୋଗୁଁ ୫ ଜଣଙ୍କ ମୃତ୍ୟୁ ହୋଇଛି । ୪ ଜଣ ଶିଶୁଙ୍କ ସମେତ ୫ ଜଣ ଜୀବନ ହରାଇଛନ୍ତି । ମୃତକମାନେ ହେଲେ ୩୨ ବର୍ଷୀୟ ଲାଛିନ୍ଦ୍ରନ ମିଣିଆକା, ପୁଅ ପିନିୟନ୍ସ ମିଣିଆକା, ୭ ବର୍ଷୀୟ ମନୋଜ କୁଲିସିରା, ୫ ବର୍ଷୀୟ ଚୁମାନ ମିଣିଆକା ଓ ୯ ବର୍ଷର ତାରା ମିଣିଆକା । ଏହି ଘଟଣା ପ୍ରଘଟ ହେବା ପରେ ଲୋକେ ବ୍ରିଜ୍ ନିର୍ମାଣ କାମରେ ଲାଗିଥିବା କମ୍ପାନୀକୁ ଏଥିପାଇଁ ଦାୟୀ କରିବା ସହ କ୍ଷତିପୂରଣ
