ପୁଣି ଏକ ଶିଶୁ ନିଖୋଜ

ଖେଳୁଥିବା ବେଳେ ଅଢେଇ ବର୍ଷର ଶିଶୁ ନିଖୋଜ

ପୁଣି ଏକ ଶିଶୁ ନିଖୋଜ । ଖେଳୁଥିବା ବେଳେ ଅଢେଇ ବର୍ଷର ଶିଶୁ ନିଖୋଜ । ସନ୍ଧାନୀ କୁକୁର ସାହାର୍ଯ୍ୟରେ ଚାଲିଛି ଖୋଜା । ବାଲେଶ୍ୱର ସୋର ରାଇପୁର ଗାଁରୁ ଖେଳୁଥିବା ବେଳେ ନିଖୋଜ ହୋଇଥିଲେ । ନିଖୋଜ ଶିଶୁପୁତ୍ର ହେଲା ରାଇପୁର ଗାଁର ମୋହନ ସାହୁଙ୍କ ପୁଅ ଶୁଭମ୍ । ଶୁଭମ ଘର ପାଖରେ ଖେଳୁ ଥିବାବେଳେ ନିଖୋଜ ହୋଇଯାଇଛି । ପରିବାର ଲୋକ ଓ ଗ୍ରାମବାସୀ ଗାଁର ବିଭିନ୍ନ ପୋଖରୀ, ରେଳଷ୍ଟେସନ ଓ ବସଷ୍ଟାଣ୍ଡରେ ଖୋଜାଖୋଜି କରି ନିରାଶ ହୋଇଥିଲେ । ଏପରିକି ପୋଲିସ, ଅଗ୍ନିଶମ ବାହିନୀ ବି ପାଖରେ ଥିବା ପୋଖରୀରେ ସର୍ଚ୍ଚ ଅପରେସନ ଜାରି ରଖିଥିଲେ । ତଥାପି ପତ୍ତା ମିଳିନଥିବା ସୂଚନା ମିଳିଛି । ଏ ନେଇ ପରିବାର ଲୋକ ଏବଂ ଗ୍ରାମବାସୀ ଶିଶୁପୁତ୍ରକୁ ଅପହରଣ କରାଯାଇଥିବା ସୋର ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ପରେ ପୋଲିସ ତଦନ୍ତ ଜାରି ରଖିଛି । ଡଗ୍ ସ୍କ୍ୱାର୍ଡ ବିଭିନ୍ନ ସ୍ଥାନ ଚିହ୍ନଟ କରିଥିବା ବେଳେ ସନ୍ଧାନୀ କୁକୁର ଘର ଠାରୁ ସିଧା ଆସି ରେଳଷ୍ଟେସନ ଯାଏଁ ଯାଇଥିଲା । ବହୁତ ଖୋଜାଖୋଜି ସତ୍ତ୍ବେ ବାଲେଶ୍ବର ଜିଲ୍ଲା ସୋର ଥାନା ରାଇପୁରରୁ ନିଖୋଜ ହୋଇଥିବା ଶିଶୁର ପତ୍ତା ମିଳୁନି ।