‘ଶୂନ ସପ୍ତାହ’ ଆରମ୍ଭରୁ ଗଲା ୧୧ ଜୀବନ
ଶୂନ ସପ୍ତାହରେ ଗଲା ୧୧ ଜୀବନ। ଆଜିଠୁ ଆରମ୍ଭ ହୋଇଛି ଜିରୋ ଫାଟାଲିଟି ୱିକ୍। ସପ୍ତାହ ଆରମ୍ଭରୁ ମୃତ୍ୟୁର ବିଭୀଷିକା ଦେଖିବାକୁ। ଆଜି ଗୋଟିଏ ଦିନରେ ୪ ଦୁର୍ଘଟଣାରେ ଯାଇଛି ୧୧ ଜୀବନ। ଗତ ୧୦ ବର୍ଷରେ ସଡ଼କ ଦୁର୍ଘଟଣାରେ ଗଲାଣି ୪୮ ହଜାର ଜୀବନ। ଦୈନିକ ଏ ସଂଖ୍ୟା ୧୩। ଆଶ୍ଚର୍ଯ୍ୟର କଥା ଏପ୍ରିଲରେ ଜିରୋ ଫାଟାଲିଟି ୱିକ୍ ପାଳନ ସତ୍ତ୍ୱେ ବର୍ଷର ପ୍ରଥମ ୯ ମାସରେ ସଡ଼କ ଦୁର୍ଘଟଣା ଜନିତ ମୃତ୍ୟୁ ସଂଖ୍ୟା ୪.୯ ପ୍ରତିଶତ ବଢ଼ିଛି। ଆଜି କେନ୍ଦୁଝର ଘଟଗାଁ ବାଲିଯୋଡ଼ିରେ ଟ୍ରକକୁ ପଛପଟୁ ୱିଙ୍ଗର୍ ଧକ୍କା ହେବାରୁ ୮ ଜଣଙ୍କ ମୃତ୍ୟୁ ହୋଇଥିବା ବେଳେ ଭଦ୍ରକ ଗେଲପୁର, ସମ୍ବଲପୁରର ଚିନିମହୁଲ ଓ କେନ୍ଦୁଝର ଆନନ୍ଦପୁରଠାରେ ପୃଥକ ପୃଥକ ସଡ଼କ ଦୁର୍ଘଟଣାରେ ୩ ଜଣଙ୍କ ଜୀବନ ଯାଇଛି । ତେବେ ଏଠି ପ୍ରଶ୍ନ ଉଠୁଛି ଏତେ ରୋଡ୍ ଆକ୍ସିଡେଣ୍ଟ ହେଉଛି କାହିଁକି? କେଉଁଠି ରହୁଛି ତ୍ରୁଟି ?
