ଜବରଦଖଲ ଜମିରେ ନିର୍ମିତ ଦର୍ଘା ଭାଙ୍ଗିବା ଲାଗି ମୁନିସ୍ପାଲିଟି ନୋଟିସ୍ କରିବାରୁ ଗୁଜରାଟର ଜୁନାଗଡ଼ ଜିଲ୍ଲାରେ ଗୋଳମାଳିଆ ପରିସ୍ଥିତି । ଏହି ଗଣ୍ଡଗୋଳରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି। ଗଣ୍ଡଗୋଳରେ ସମ୍ପୃକ୍ତ ଥିବା ପ୍ରାୟ ୧୭୪ଜଣଙ୍କୁ ପୁଲିସ ଅଟକ ରଖିଛି। ଶୁକ୍ରବାର ସନ୍ଧ୍ୟାରେ ପ୍ରାୟ ୩୦୦ରୁ ଅଧିକ ଲୋକ ଏକତ୍ର ହୋଇ ପୋଲିସ କର୍ମଚାରୀଙ୍କ ଉପରକୁ ଟେକାପଥର ଫିଙ୍ଗିବା ସହିତ ଥାନାରେ ଭଙ୍ଗାରୁଜା କରି ପୋଲିସ ଗାଡ଼ିରେ ନିଆଁ ଲଗାଇ ଦେଇଥିଲେ। ଏହି ଆକ୍ରମଣ ଘଟଣାରେ ଜଣେ ଡେପୁଟି ପୋଲିସ ସୁପରିଟେଣ୍ଡେଣ୍ଟ୍ଙ୍କ ସମେତ ୩ଜଣ ପୋଲିସ କର୍ମଚାରୀ ଆହତ ହୋଇଛନ୍ତି।
