ଭୟଙ୍କର ବିମାନ ଦୁର୍ଘଟଣା, ଚାଲିଗଲା ଅନେକ ଜୀବନ ହଲେ ବଞ୍ଚିଗଲା ଛୋଟ ଶିଶୁ । କୁହାଯାଏ ‘ରଖେ ହରି ତ ମାରେ କିଏ, ମାରେ ହରି ତ ରଖେ କିଏ’ ଏଭଳି କଥାର ବାସ୍ତବତା ଆଜି ଦ୍ଖିବାକୁ ମିଳିଛି । ସୁଦାନରେ ଗତ ରାତିରେ ଏକ ଭୟଙ୍କର ବିମାନ ବିସ୍ଫୋରଣ ହୋଇଥିବା ଦେଖିବାକୁ ମିଳିଛି । ଆଉ ଏହି ଦୁର୍ଘଟଣାରେ ୯ ଜଣଙ୍କ ଜୀବନ ଯାଇଥିବା ଉଛଣା ରହିଛି । ତେବେ ମୃତକଙ୍କ ମଧ୍ୟରେ ୪ଜଣ ସୈନିକ ଥିବାବେଳେ ସୌଭାଗ୍ୟବଶଃତ ଏକ ଛୋଟ ଶିଶୁ ମୃତ୍ୟୁମୁଖରୁ ବର୍ତ୍ତି ଯାଇଛି।
ସୂଚନା ଅନୁସାରେ ଗତ ରାତିରେ ସୁଦାନ ଏୟାରପୋର୍ଟରୁ ଏକ ବେସାମରିକ ବିମାନ ଉଡ଼ାଣ ଆରମ୍ଭ କରିଥିଲା। ହେଲେ ହଠାତ୍ ମଝି ଆକାଶରେ ବିମାନରେ ଯାନ୍ତ୍ରୀକ ତ୍ରୁଟି ଦେଖାଯିବାରୁ ଅବତରଣ କରିବା ପୂର୍ବରୁ ତାହା କ୍ରାଶ୍ ହୋଇ ଯାଇଥିଲା। ଏଥିଯୋଗୁ ବିମାନରେ ନିଆଁ ଲାଗି ଯାଇଥିବା ବେଳେ ଭିତରେ ଥିବା ୪ ସୈନିକଙ୍କ ସମେତ ୯ ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଥିବା ଜଣାଯାଇଛି। ହେଲେ ଏହି ଦୁର୍ଘଟଣାରୁ ବିମାନରେ ଥିବା ଜଣେ ଶିଶୁଟି ବର୍ତ୍ତି ଯାଇଛି। ଗୁରୁତର ଅବସ୍ଥାରେ ପିଲାଟିକୁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ସେଠି ତା’ ଅବସ୍ଥା ସ୍ଥିର ଥିବା ଜଣାଯାଇଛି। ତେବେ ମୃତ୍ୟୁ ମୁଖରୁ କୁନି ପିଲାଟି ବଞ୍ଚିଯିବା ଘଟଣା ସଭିଙ୍କୁ ଆଶ୍ଚର୍ଯ୍ୟ କରିଛି ।
