ଏୟାରଷ୍ଟ୍ରାଇକ୍ ର ଭୟାବହ ଚିତ୍ର, ୧୩ ପଣବନ୍ଦୀ ମୃତ
ଫୁଟୁଛି ଗୁଳି ବାରୁଦ । ଘମାଘୋଟ ଆଟାକ୍ । ଇସ୍ରାଏଲରେ ଭୟାବହ ଏୟାର ଷ୍ଟ୍ରାଇକ । ଏଥିରେ ପଣବନ୍ଦୀ ଥିବା ୧୩ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଇସ୍ରାଏଲ ନାଗରିକଙ୍କ ସହ କିଛି ବିଦେଶୀ ନାଗରିକ ମଧ୍ୟ ଅଛନ୍ତି । ଏଭଳି ଦାବି କରିଛି ଆତଙ୍କବାଦୀ ସଂଗଠନ ହମାସ । ଇସ୍ରାଏଲ ନାଗରିକଙ୍କୁ ପଣବନ୍ଦୀ ଭାବେ ଗାଜାରେ ନେଇ ରଖିଥିବାବେଳେ ଏୟାର ଷ୍ଟ୍ରାଇକରେ ସମସ୍ତଙ୍କର ମୃତ୍ୟୁ ହୋଇଥିବା ହମାସ ଦାବି କରିଛି । ମୃତ ୧୩ ଇସ୍ରାଏଲ ପଣବନ୍ଦୀଙ୍କ ସହ କିଛି ବିଦେଶୀ ନାଗରିକଙ୍କ ମଧ୍ୟ ମୃତ୍ୟୁ ହୋଇଥିବା କହିଛି ହମାସ । ଇସ୍ରାଲର ୫ ସ୍ଥାନରେ ହୋଇଥଇବା ଏୟାର ଷ୍ଟ୍ରାଇକରେ ଏମାନଙ୍କର ମୃତ୍ୟୁ ଘଟିଛି। ବିଗତ ୨୪ ଘଣ୍ଟା ମଧ୍ୟରେ ହୋଇଥିବା ଆକ୍ରମଣରେ ଏହି ସମସ୍ତ ପଣବନ୍ଦୀଙ୍କ ମୃତ୍ୟୁ ଘଟିଛି । ସେପଟେ ଚୀନର ବେଜିଂରେ ଇସ୍ରାଏଲ କୂଟନୈତିକ ପ୍ରତିନିଧିଙ୍କୁ ଛୁରା ମାଡ଼ ହୋଇଥିବା ଜଣାପଡିଛି । ବେଜିଂରେ କିଛି ଦୁର୍ବୃତ୍ତ ତାଙ୍କୁ ଆକ୍ରମଣ କରିଥିବା ଜଣାପଡିଛି ।
