ହାଓ୍ବାଇରେ ସତର୍କ ସୂଚନା, ୮୦ ଫୁଟରୁ ଅଧିକ ଉଚ୍ଚତାର ଲାଭା ଉଦଗୀରଣ
ହାୱାଇର କିଲାଉଆ ଆଗ୍ନେୟଗିରିରେ ପୁଣି ଥରେ ବିସ୍ଫୋରଣ ହୋଇ ୮୦ ଫୁଟରୁ ଅଧିକ ଉଚ୍ଚତାର ଲାଭା ଉଦଗୀରଣ ହୋଇଛି । ୟୁଏସ୍ ଜିଓଲୋଜିକାଲ୍ ସର୍ଭେର ହାୱାଇ ଆଗ୍ନେୟଗିରି ଅବଜର୍ଭେଟୋରି କହିଛି ଯେ ସ୍ଥାନୀୟ ସମୟ ଅପରାହ୍ନ ପ୍ରାୟ ୩ଟା ୧୫ମିନିଟ୍ ରେ ଏହି ବିସ୍ଫୋରଣ ଆରମ୍ଭ ହୋଇଥିଲା। ହାୱାଇ ଜରୁରୀକାଳୀନ ପରିଚାଳନା ଏଜେନ୍ସି ଚେତାବନୀ ଦେଇଛି ଯେ ଆଗ୍ନେୟଗିରି କିମ୍ବା ଏଥିରୁ ନିର୍ଗତ ଗ୍ୟାସଠାରୁ ଲୋକମାନେ ଦୂରେଇ ରହିବା ଆବଶ୍ୟକ, କାରଣ ଏହା ବିପଦ ସୃଷ୍ଟି କରିପାରେ । ୟୁଏସ୍ ଜିଓଲୋଜିକାଲ୍ ସର୍ଭେ (ୟୁଏସଜିଏସ୍)ର ହାୱାଇ ଆଗ୍ନେୟଗିରି ଅବଜର୍ଭେଟୋରି କହିଛି, ବିସ୍ଫୋରଣ ପୂର୍ବରୁ ତୀବ୍ର ଭୂକମ୍ପ ଓ ଶିଖରରୁ ଧୂଆଁ ଓ ପରେ ଲାଭା ଉଦଗୀରଣ ଆରମ୍ଭ ହୋଇଥିଲା । ଚଳିତ ବର୍ଷ ତୃତୀୟ ଥର ପାଇଁ ଜାନୁଆରୀ ଓ ଜୁନ୍ ମାସରେ ବିସ୍ଫୋରଣ ପରେ ଆଗ୍ନେୟଗିରି ବିସ୍ଫୋରଣ ଘଟିଛି । ଆଗ୍ନେୟଗିରି ପର୍ଯ୍ୟବେକ୍ଷଣ ସଂସ୍ଥା କହିଛି ଯେ ବିସ୍ଫୋରଣ ଆରମ୍ଭ ହେବା ପରଠାରୁ ଲାଭା ସ୍ରୋତର ଉଚ୍ଚତା ହ୍ରାସ ପାଇଛି, କିନ୍ତୁ ଏହା ପ୍ରାୟ ୨୦-୨୫ ମିଟର ଉଚ୍ଚତାରେ ରହିଛି। ଏଥିପାଇଁ ସ୍ଥାନୀୟ ଅଂଚଳରେ ଥିବା ଲୋକମାନଙ୍କୁ ସୁରକ୍ଷିତ ସ୍ଥାନକୁ ନିଆଯାଇଛି । ଏହା ସହିତ ଉକ୍ତ ଅଂଚଳ ଉପରେ ବିମାନ ଚଳାଚଳକୁ ବି ବାତିଲ କରାଯାଇଛି ।
