ସାଟେଲାଇଟରୁ ଆସିଲା ଚୀନର ସାଂଘାତିକ ସତ !
ସାଟେଲାଇଟ ଧରାଇଲା ଚୀନର କଳା କାରସାତି । ଭାରତ ବିରୋଧରେ ପ୍ରତ୍ଯେକ ସମୟରେ ଗୁପ୍ତ ଷଡଯନ୍ତ୍ର କରୁଥିବା ଚୀନର ଆଉ ଏକ କଥା ଏବେ ସାମ୍ନାକୁ ଆସିଛି ଯାହା ସାଟେଲାଇଟ ଫଟୋରେ ସ୍ପଷ୍ଟ ହୋଇଛି । ଏଲଏସି ନିକଟରେ ବଙ୍କର ନିର୍ମାଣ କରୁଛି ଡ୍ରାଗନ । ଅକ୍ସାସାଇ ଚୀନ ନିକଟରେ ଡ୍ରାଗନ ସେନା ବଙ୍କର କରୁଥିବା ଫଟୋରେ ସ୍ପଷ୍ଟ ଭାବେ ଦେଖିବାକୁ ମିଳିଛି । ମ୍ୟାକ୍ସ ସାଟେଲାଇଟ ଅଗଷ୍ଟ ୨୮ ତାରିରେ ଏହି ଫଟୋ ଉଠାଇଛି । ଏଲଏସିଠୁ କେବଳ ୭୦କିଲୋମିଟର ଦୂରରେ ଚୀନ ବଙ୍କର ନିର୍ମାଣ କରୁଛି । ଅତିକମରେ ୬ଟିସ୍ଥାନରେ ବଙ୍କର ନିର୍ମାଣ କରୁଥିବା ଜଣାପଡିଛି ।
ଗୋଟେ ପଟେ ବ୍ରିକ୍ସ ସମ୍ମିଳନୀରେ ଚୀନ ସୀମା ବିବାଦର ସମାଧାନର କଥା କହୁଥିବାବେଳେ ଅନ୍ୟପଟେ ଷଡଯନ୍ତ୍ର ରଚି ନିଜର ଦୋମୁହାଁ ନୀତି ଆପଣାଉଛି । ନିକଟରେ ନିଜର ନୂଆ ମାନିଚିତ୍ର ଜାରି ଚୀନ ଅରୁଣାଚଳପ୍ରଦେଶ, ଲଦାଖ ଓ ଅକ୍ସାଇଚୀନକୁ ନିଜର ବୋଲି ଦାବି କରିଥିଲା ଚୀନ । ଯାହାକୁ ଭାରତ ବିରୋଧ କରିବା ସହ ପ୍ରତିହତ କରିବା ଲାଗି ସଦାବେଳେ ତୟାର ରହିଛି । ଆଗକୁ ଦେଖିବାକୁ ବାକି ରହିଲା ସାଟେଲାଇଟରେ ଫୋଟୋ ସାମ୍ନାକୁ ଆସିବା ପରେ ଏହାକୁ ରୋକିବାକୁ ଭାରତ କେଉଁ ପଦକ୍ଷେପ ଗ୍ରହଣ କରୁଛି ।
