ଆଜି ପୁଣେରେ ହାଇଭୋଲଟେଜ୍ ମ୍ୟାଚ୍ !
ଆଜି ବିଶ୍ବକପରେ ମୁହାଁମୁହିଁ ହେବେ ଭାରତ-ବାଂଲାଦେଶ । ପୁଣେରେ ଦିନ ୨ଟାରେ ଉଭୟଙ୍କ ମଧ୍ୟରେ ଖେଳାଯିବ ଏହି ହାଇଭୋଳଟେଜ ମ୍ୟାଚ୍ । ଯାହାକୁ ନେଇ କ୍ରୀଡାପ୍ରେମୀଙ୍କ ମଧ୍ୟରେ ଉତ୍କଣ୍ଠା ଭାରି ରହିଛି । ଚଳିତ ବିଶ୍ବକପରେ ଭାରତ ନିଜର ଦବଦବା ଜାରି ରଖିଥିବା ବେଳେ ଟାଇଟଲ ହାତେଇବାକୁ ଜୋର୍ଦାର ପ୍ରୟାସ ଜାରି ରଖିଛି । ଆଜି ଭାରତ ମ୍ୟାଚ ଜିତି ଅପରାଜେୟ ଧାରା ବଜାୟ ରଖିବାକୁ ଲକ୍ଷ୍ୟ ରଖିଥିବାବେଳେ ଦ୍ବିତୀୟ ବିଜୟ ଆଶାରେ ରହିଛି ବାଂଲାଦେଶ ।
ବିଶ୍ବକପରେ ୪ଟି ସଂସ୍କରଣରେ ମାତ୍ର ୪ ଥର ମୁକାବିଲା କରିଛନ୍ତି ଦୁଇ ଭାରତ-ବାଲାଦେଶ । ଭାରତ ୩ଟି ମ୍ୟାଚ ଜିତିଥିବାବେଳେ ବାଂଲାଦେଶ ଗୋଟିଏରେ ବିଜୟ ହାସଲ କରିଛି । ୨୦୦୭ ବିଶ୍ବକପରେ ଉଭୟ ଦେଶ ମଧ୍ୟରେ ପ୍ରଥମ ମୁକାବିଲା ହୋଇଥିଲା । ଏଥିରେ ବାଂଲାଦେଶ ଭାରତକୁ ୫ ଓ୍ବିକେଟରେ ପରାଜିତ କରିଥିଲା । ପରେ ୨୦୧୧ରେ ଭାରତ ୮୭ ରନରେ ବାଂଲାଦେଶକୁ ହରାଇ ପ୍ରଥମ ପରାଜୟର ପ୍ରତିଶୋଧ ନେଇଥିଲା । ତେଣୁ ଆଜିର ଏହି ମ୍ୟାଚ ଉପରେ ସମସ୍ତଙ୍କର ନଜର ରହିଥିବା ବେଳେ କାଉଣ୍ଟଡାଉନ ଆରମ୍ଭ କରିସାରିଲେଣି କ୍ରୀଡାପ୍ରେମୀ ।
