ଗୁଜରାଟରୁ ଭାରତ ପୁଣି ଯୋଡ଼ ଯାତ୍ରା ଆରମ୍ଭ କରିବେ ରାହୁଲ
ପୁଣି ଫାଇଟ ଆରମ୍ଭ କରିବାକୁ ଯାଉଛି କଂଗ୍ରେସ। କଂଗ୍ରେସ ସାଂସଦ ରାହୁଲ ଗାନ୍ଧୀ ନିଜ ସଦସ୍ଯତା ପଦ ଫେରିପାଇବା ପରେ ଏବେ ଆରମ୍ଭ କରିଛନ୍ତି ରଣନୀତି । ପୁଣିଥରେ ଆରମ୍ଭ ହେବ ଭାରତ ଯୋଡୋ ଯାତ୍ରା । ମୋଦି ସରନେମ ମାମଲାରେ ରାହୁଲ ଗାନ୍ଧିଙ୍କୁ ୨ ବର୍ଷ ଜେଲଦଣ୍ଡ ମିଳିବା ପରେ ତାଙ୍କ ସଦସ୍ୟତା ପଦ ରଦ୍ଦ ହୋଇଥିଲା। ହେଲେ ସୁପ୍ରିମକୋର୍ଟ ଏହା ଉପରେ ରୋକ ଲଗାଇବା ପରେ ସେ ନିଜର ପଦଯାତ୍ରାର ଦ୍ୱିତୀୟ ପର୍ଯ୍ୟାୟ ଆରମ୍ଭ କରିବାକୁ ଯାଉଛନ୍ତି ।
ମୁଖ୍ୟକଥା ହେଲା ସେ ଗୁଜରାଟରୁ ଏହି ଯାତ୍ରା ଆରମ୍ଭ କରିବାକୁ ଥିବା ବେଳେ ମେଘାଳୟ ପର୍ଯ୍ୟନ୍ତ ଚାଲିବ ଏହି ଯାତ୍ରା। ତେବେ ସଦସ୍ଯତା ଚାଲିଯିବା ପରେ ଲୋକଙ୍କ ପାଖରୁ ଦୂରତା ବଢିଥିଲା । ଏବେ କିନ୍ତୁ ପୁନଃ ଲୋକଙ୍କ ସହ ମିଶିବା ତଥା ତୃଣମୂଳସ୍ତରରେ କଂଗ୍ରେସକୁ ସୁଦୃଢ କରିବାକୁ ଏହି ଭାରତ ଯୋଡ ଯାତ୍ରା ଆରମ୍ଭ କରିବେ ରାହୁଲ। ଏହାକୁ ନେଇ ଚିନ୍ତାରେ ବିପକ୍ଷ ଦଳ ।
