ଗୋଟେ ବଲ ପକାଇଲେ ମିଳିବ ୭ ଲକ୍ଷ ୩୦ ହଜାର
ଆଇପିଏଲରେ ରେକର୍ଡ କରିଛନ୍ତି ମିଚେଲ ଷ୍ଟାର୍କ । ଆଇପିଏଲର ଚଳିତ ସିଜିନରେ ସର୍ବାଧିକ ଟଙ୍କାରେ ବିକ୍ରି ହୋଇଛନ୍ତି ଅଷ୍ଟ୍ରେଲିଆର ବିଶ୍ୱକପ୍ ବିଜେତା ସଦସ୍ୟ । ମିଚଲେ ଷ୍ଟାର୍କଙ୍କୁ ୨୪ କୋଟି ୭୫ ଲକ୍ଷରେ ତାଙ୍କୁ କିଣିଛି କୋଲକାତା ନାଇଟ ରାଇଡର୍ସ । କିନ୍ତୁ ଆପଣ ଜାଣିଛନ୍ତି କି ଆଇପିଏଲରେ ମିଚେଲଙ୍କ ପ୍ରତି ବଲର ମୂଲ୍ୟ କେତେ? ଷ୍ଟାର୍କଙ୍କୁ ଏକ ବଲରେ ମିଳିବ ୭ ଲକ୍ଷ ୩୦ ହଜାର । ପ୍ରତି ଓଭରରେ ମିଳିବ ୪୪ଲକ୍ଷ ଟଙ୍କା । ଏବଂ ଗୋଟିଏ ମ୍ୟାଚକୁ ମିଳିବ ୧କୋଟି ୭୬ ଲକ୍ଷ । ଆଇପିଏଲରେ ଖେଳାଳିମାନେ ପାଇଥିବା ଟଙ୍କା ତୁଳନାରେ ପାକିସ୍ତାନ ସୁପର ଲିଗର ଦରମା ବହୁତ କମ । ଆଇପିଏଲରେ ଗୋଟିଏ ମ୍ୟାଚ ଡପାଇଁ ମିଚେଲ ଯେତିକି ପାଇବେ ତାହା ପାକିସ୍ତାନ ସୁପର ଲିଗର ସବୁଠାରୁ ଦାମୀ ଖେଳାଳିଙ୍କଠାରୁ ଅଧିକ । ପାକିସ୍ତାନ ସୁପର ଲିଗର ସବୁଠାରୁ ଦାମୀ ଖେଳାଲିଙ୍କ ଦରମା ୧.୪କୋଟି ଟଙ୍କା । କିନ୍ତୁ ମିଚେଲ ଆଇପିଏଲର ଗୋଟିଏ ମ୍ୟାଚରୁ ପାଇବେ ୧କୋଟି ୭୬ଲକ୍ଷ । ମଙ୍ଗଳବାର ହୋଇଥିବା ଆଇପିଏଲ ନିଲାମରେ ଅଷ୍ଟ୍ରେଲିଆ ଖେଳାଳିମାନଙ୍କର ବେଶ ଦବଦବା ରହିଥିଲା । କଙ୍ଗାରୁ ଖେଳାଳିଙ୍କ ପାଇଁ ନିଲାମରେ କୋଟି କୋଟି ଟଙ୍କା ଖର୍ଚ୍ଚ ହୋଇଛି ।
