ସଚିନଙ୍କ ସହ ବିଗ୍ବସରେ ଭାଗ ନେବେ ସୀମା !
ଦେଶରେ ଏବେ ଚର୍ଚ୍ଚିତ ଚେହେରା ସୀମା ସଚିନଙ୍କୁ ନେଇ ପୁଣି ଆସିଛି ଆଉଏକ ବଡ ଧମାକାଦାର ଖବର । ସବୁଠୁ ଚର୍ଚ୍ଚିତ ରିୟାଲିଟି ଶୋ’ ‘ବିଗ୍ବସ୍’ରେ ପ୍ରତିଯୋଗୀ ଭାବେ ନଜର ଆସିବେ ସୀମା ହାଇଦର, ଏହାକୁ ନେଇ ଏବେ ଚର୍ଚ୍ଚା ଜୋର୍ ଧରିଛି। ତେବେ ପାକିସ୍ତାନରୁ ନିଜ ପ୍ରେମିକ ସଚିନଙ୍କ ପାଖକୁ ଧାଇଁ ଆସିଥିବା ସୀମା ହାଇଦରଙ୍କୁ ଏଥର ‘ବିଗ୍ବସ୍’ରେ ଦେଖିବାକୁ ମିଳିବ। ତେବେ ତାଙ୍କ ସହିତ ଯିଏ ନଜର ଆସିବେ ତାହା ଆପଣଙ୍କୁ ଅଧିକ ଆଶ୍ଚର୍ୟ୍ୟ କରିବ। ସୂଚନାରୁ ପ୍ରକାଶ ଯେ, ‘ବିଗ୍ବସ୍’ ହାଉସ୍କୁ ସୀମା ଏକା ନୁହେଁ; ତାଙ୍କ ପ୍ରେମିକ ସଚିନଙ୍କ ସହ ଯିବେ।
ଏବେ ‘ବିଗ୍ବସ୍’ ସିଜନ୍ ୧୭ ପାଇଁ ପ୍ରତିଯୋଗୀଙ୍କ ତାଲିକା ପ୍ରସ୍ତୁତ କରୁଛନ୍ତି। ଏହି ସୋ’ର ଫର୍ମାଟ୍ ଅନୁଯାୟୀ ବିବାଦର ସମ୍ମୁଖୀନ ହୋଇଥିବା ପ୍ରତିଯୋଗୀମାନେ ଏଥିରେ ନଜର ଆସନ୍ତି। ଅନେକ ଗଣମାଧ୍ୟମ ରିପୋର୍ଟରେ ଦାବି କରାଯାଇଛି ଯେ ଏଥର ସୀମା ହାଇଦର ସୋ’କୁ ଆସିବାକୁ ଯାଉଛନ୍ତି ଏବଂ ସେ ଏକୁଟିଆ ଆସିବେ ନାହିଁ ବରଂ ଯେଉଁ ବ୍ୟକ୍ତିଙ୍କ ପାଇଁ ସେ ପାକିସ୍ତାନ ଛାଡିଛନ୍ତି, ତାଙ୍କ ସହ ହିଁ ନଜର ଆସିବେ। ଅର୍ଥାତ୍ ସୀମାଙ୍କ ସହ ତାଙ୍କ ସ୍ୱାମୀ ସଚିନ୍ ମୀନା ମଧ୍ୟ ଏହି ସୋ’ର ଏକ ଅଂଶ ହେବେ। ତେବେ ଏ ସମ୍ପର୍କରେ କୌଣସି ଆନୁଷ୍ଠାନିକ ଘୋଷଣା କରାଯାଇ ନଥିବା ବେଳେ ଏନେଇ ଚର୍ଚ୍ଚା ଜୋର ଧରିଛି । ସେପଟେ ଏହାକୁ ହୋଷ୍ଟ କରିବେ ସଲମାନ ଖାନ ।
