ରାମଲାଲା ପ୍ରାଣ ପ୍ରତିଷ୍ଠା ଦିବସ ପାଇଁ ଆରମ୍ଭ ହୋଇଛି ନିମନ୍ତ୍ରଣ
ରାମ ମନ୍ଦିର ପ୍ରତିଷ୍ଠା ପାଇଁ ଉତ୍ସବ ମୁଖର ଅଯୋଧ୍ୟା ନଗରୀ । ପ୍ରାଣ ପ୍ରତିଷ୍ଠା ଦିବସ ପାଇଁ ଆରମ୍ଭ ହୋଇଛି ନିମନ୍ତ୍ରଣ । ଦେବାଦେବୀ ଓ ଧର୍ମଗୁରୁଙ୍କୁ କରାଯାଉଛି ନିମନ୍ତ୍ରଣ ।ଗୋଟିଏ ପଟେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପାଇଁ ଜୋରସୋରରେ ପ୍ରସ୍ତୁତି ଚାଲିଛି । ଲୋକାର୍ପଣ ଉତ୍ସବରେ ସାମିଲ ହେବା ପାଇଁ ଦେବାଦେବୀ, ଧର୍ମଗୁରୁ ଓ ବିଶିଷ୍ଠ ବ୍ୟକ୍ତିଙ୍କୁ ନିମନ୍ତ୍ରଣ ଦିଆଯାଉଛି । ଅନ୍ୟପଟେ ଅଯୋଧ୍ୟାରେ ଶ୍ରୀରାମ ମନ୍ଦିରର ପ୍ରତିଷ୍ଠା ଓ ରାମ ଲାଲାଙ୍କ ପ୍ରାଣ ପ୍ରତିଷ୍ଠା ପାଇଁ ନିମନ୍ତ୍ରଣ ଦିଆଯାଉଛି । ଦେଶର ଦେବପୀଠକୁ ନିମନ୍ତ୍ରଣ ପତ୍ର ପଠାଯାଉଛି । ଧର୍ମଗୁରୁଙ୍କୁ ନିର୍ମନ୍ତ୍ରଣ ଦିଆଯାଉଛି । ଏହି କ୍ରମରେ ମହାମଣ୍ଡଳେଶ୍ୱର ଡକ୍ଟର ସତ୍ୟାନନ୍ଦ ସରସ୍ୱତୀ ମହାରାଜଙ୍କୁ ଶ୍ରୀରାମ ମନ୍ଦିର ପକ୍ଷରୁ ସ୍ୱତନ୍ତ୍ର ନିମନ୍ତ୍ରଣ ଦିଆଯାଇଛି । ସତ୍ୟାନନ୍ଦ ମହାରାଜ ଏବେ ପଂଚାୟତ ମହାନିର୍ବାଣ ଅଖଡା, ହରିଦ୍ୱାରର ମହାମଣ୍ଡଳେଶ୍ୱର ଅଛନ୍ତି । ଆପଣ ଜାଣିଲେ ଆଶ୍ଚର୍ଯ୍ୟ ହେବେ ପ୍ରଥମ ଓଡିଆ ଭାବେ ସେ ଏମିତି ଏକ ମର୍ଯ୍ୟାଦାଜନକ ପଦରେ ଅଧିଷ୍ଠିତ ହୋଇଛନ୍ତି ।
