ଲୋକସଭା ଶୀତ ଅଧିବେଶନ ଅନିର୍ଦ୍ଦିଷ୍ଟ କାଳ ଯାଏ ସ୍ଥଗିତ
ଲୋକସଭା ଶୀତକାଳୀନ ଅଧିବେଶନ ଅନିର୍ଦ୍ଦିଷ୍ଟ କାଳ ଯାଏ ସ୍ଥଗିତ । ଗତ ଡିସେମ୍ବର ୪ରୁ ଆରମ୍ଭ ହୋଇଥିଲା ଅଧିବେଶନରେ ବହୁ ଗୁରୁତ୍ବପୂର୍ଣ୍ଣ ବିଲ୍ ଗୃହୀତ ହୋଇଛି । ସଂସଦ ନିରାପତ୍ତା ତ୍ରୁଟି ନେଇ ଗୃହରେ ହଙ୍ଗାମା ହୋଇଥିବା ବେଳେ ୧୪୬ ସାଂସଦଙ୍କୁ ନିଲମ୍ବିତ କରାଯାଇଥିଲା । ଅଧିବେଶନ କାଳରେ ମୁଖ୍ୟ ନିର୍ବାଚନ କମିଶନର ଓ ନିର୍ବାଚନ କମିଶନରଙ୍କୁ ନିଯୁକ୍ତି ସଂକ୍ରାନ୍ତ ବିଲ୍ ଲୋକସଭାରେ ଗୃହୀତ ହୋଇଥିଲା । ବୁଧବାର ରାଜ୍ୟସଭାରେ ଏହି ବିଲ୍ ଗୃହୀତ ହୋଇଥିଲା। କେନ୍ଦ୍ର ଆଇନ ମନ୍ତ୍ରୀ ଅର୍ଜୁନ ରାମ ମେଘଓ୍ବାଲ କହିଛନ୍ତି- ନିର୍ବାଚନ କମିଶନର ନିଯୁକ୍ତି ସଂକ୍ରାନ୍ତ ଆଇନକୁ ପରିବର୍ତ୍ତନ କରାଯାଇ ନୂଆ ବିଲ୍ ବ୍ୟବସ୍ଥା କରାଯାଇଛି। ପୂର୍ବରୁ ପ୍ରଧାନମନ୍ତ୍ରୀ, ବିରୋଧୀ ଦଳ ନେତା ଓ ପ୍ରଧାନ ବିଚାରପତିଙ୍କୁ ନେଇ ଗଠିତ ପ୍ୟାନେଲ ନିର୍ବାଚନ କମିଶନରଙ୍କୁ ନିଯୁକ୍ତି ଦେବାକୁ ନିର୍ଦ୍ଦେଶ ଦେଇଥିଲେ ସୁପ୍ରିମକୋର୍ଟ । ତେବେ ନୂଆ ଆଇନ ଅନୁସାରେ ପ୍ରଧାନ ବିଚାରପତିଙ୍କ ବଦଳରେ ଜଣେ କେନ୍ଦ୍ରମନ୍ତ୍ରୀଙ୍କୁ ସ୍ଥାନୀତ କରାଯିବ। ଇଣ୍ଡିଆନ ଟେଲିଗ୍ରାଫ ଆଇନ, ୧୮୮୫ ବଦଳରେ ନୂଆ ଟେଲିକମ ଆଇନ ଆଣିଛନ୍ତି ସରକାର। ଏହା ସହ ଆଇପିସି, ସିଆରପିସି ଆଦି ଆଇନର ନାମ ପରିବର୍ତ୍ତନ ସହ ବିଭିନ୍ନ ଧାରାରେ ଆଣିଥିଲେ ସଂଶୋଧନ। ଗତ ଡିସେମ୍ବର ୪ରୁ ସଂସଦର ଶୀତକାଳୀନ ଅଧିବେଶନ ଆରମ୍ଭ ହୋଇଥିଲା । ୨୨ ତାରିଖ ଯାଏ ଏହା ଚାଲିବାର ଥିଲା । ଏଥିରେ ୧୯ଟି କାର୍ଯ୍ୟଦିବସ ଓ ୧୫ଟି ସିଟିଂ ରହିଥିଲିା ।
