ନୀତିଶ କୁମାର ହେବେ ପ୍ରଧାନମନ୍ତ୍ରୀ ପ୍ରାର୍ଥୀ !

ପ୍ରାର୍ଥୀ ନାଁ ଘୋଷଣା କଲା ଜେଡିୟୁ, କଂଗ୍ରେସରୁ କିଏ ?

ନୀତିଶ କୁମାର ହେବେ ପ୍ରଧାନମନ୍ତ୍ରୀ ପ୍ରାର୍ଥୀ ! ଏକଥା ଆମ କହୁନୁ ଏନେଇ ନାଁ ଘୋଷଣା କରିଛି ଜେଡିୟୁ । ଆଗାମୀ ତଥା ୨୦୨୪ରେ ନୀତିଶଙ୍କୁ ପ୍ରଧାନମନ୍ତ୍ରୀ ଭାବେ ଦେଖିବାକୁ ଚାହୁଁଛନ୍ତି ବୋଲି କହିଛନ୍ତି ଜେଡିୟୁ ନେତା ଜମା ଖାନ୍ କହିଥିବା ଦେଖିବାକୁ ମିଳିଛି । ସେପଟେ ଏନଡିଏ କୁ ମାତ ଦେବାକୁ ଏକ ହୋଇଥିବା ବିରୋଧୀ ମେଣ୍ଟ ଇଣ୍ଡିଆନ୍ ନ୍ୟାସନାଲ ଡେଭଲପମେଣ୍ଟାଲ ଇନକ୍ଲୁସିଭ ଆଲିଆନ୍ସ (ଇ ଣ୍ଡି ଆ) ପ୍ରସ୍ତୁତିରେ ଲାଗିପଡିଲାଣି । ଏଯାଏଁ ବିରୋଧୀ ୨ଟି ବଡ ବୈଠକ କରିସାରିଥିବା ବେଳେ ତୃତୀୟ ବୈଠକ ଖୁବଶୀଘ୍ର ମୁମ୍ବାଇରେ କରିବାକୁ ଯାଉଛନ୍ତି ।

ତେବେ ଜେଡିୟୁ ନୀତିଶଙ୍କ ନାଁ ଆଣୁଥିବା ବେଳେ କଂଗ୍ରେସ କିନ୍ତୁ ଏଯାଏଁ ନିଜର ପ୍ରଧାନମନ୍ତ୍ରୀ ପଦ ପାଇଁ ଯୋଗ୍ୟ ନେତାଙ୍କ ବାବଦରେ କିଛି ସ୍ପଷ୍ଟ କରିନି । ଖୁବଶୀଘ୍ର ଏହି ନାଁ ଘୋଷଣା ହେବ । ବିରୋଧୀ ଏକ ହୋଇ କିପରି ଏନଡିଏକୁ ମାତ ଦେବେ ସେନେଇ ସବୁ ତୟାରି ଆରମ୍ଭ ହୋଇ ସାରିଛି । ଜେଡିୟୁ ନୀତିଶଙ୍କୁ ଗ୍ରୀନ ସିଗନାଲ ଦେଇଥିବା ବେଳେ ଅନ୍ୟ ଦଳ କାହା କାହା ନାଁରେ ମୋହର ଲଗାଉଛି ଦେଖିବାକୁ ବାକି ରହିଲା ।