ବାଇକ୍ ପଛରେ ବାଘକୁ ବାନ୍ଧି ନେଲେ ଯୁବକ
ସାଧାରଣତଃ ଲୋକେ ବାଘ ଦେଖିଲେ ଡରନ୍ତି । କିନ୍ତୁ ଆଜି ଆମେ ଆପଣଙ୍କୁ କହିବୁ ଏମିତି ଏକ ଘଟଣା । ଯାହା ଆପଣ କେବେ ଶୁଣିନଥିବେ । ଯେଉଁ ବାଘକୁ ଲୋକେ ଦେଖିଲେ ଡରନ୍ତି । ସେହି ବାଘକୁ ଜଣେ ବ୍ୟକ୍ତି ନିଜ ବାଇକ୍ ପଛରେ ବାନ୍ଧି ହସ୍ପିଟାଲ ନେଇଛନ୍ତି । ଆଉ ଏହି ଭିଜୁଆଲଟି ସୋସିଆଲ ମିଡିଆରେ ଏବେ ଘୁରିବୁଲୁଛି । ଏଭଳି ଘଟଣା ଦେଖିବାକୁ ମିଳିଛି କର୍ଣ୍ଣାଟକର ହାସନ ଜିଲ୍ଲାରେ । ଜିଲ୍ଲାର ବାଗିଭାଲୁ ଗାଁରେ ଜଣେ ଯୁବକ ନିଜ ଜମି ନିକଟରେ ଏକ ଅସୁସ୍ଥ କଲରାପତ୍ରିଆ ବାଘକୁ ଦେଖିବାକୁ ପାଇଥିଲେ। ଏହାପରେ ସେ କଲରାପତ୍ରିଆ ବାଘକୁ ନିଜ ଦୁଇ ଚକିଆ ଗାଡିରେ ଦଉଡ଼ିରେ ବାନ୍ଧି ଚିକିତ୍ସା ପାଇଁ ପ୍ରାଣୀ ଚିକିତ୍ସାଳୟକୁ ନେଇଯାଇଥିଲେ । ବାଟରେ ଲୋକମାନେ ଏହାକୁ ଦେଖି ଆଶ୍ଚର୍ଯ୍ୟ ହେବା ସହ ଘଟଣାର ଭିଡିଓ ରେକର୍ଡିଂ କରିଥିଲେ । ୨୫ ବର୍ଷୀୟ ବେଣୁଗୋପାଳ କରିଥିବା ଏହି କାମକୁ ଦେଖି ଲୋକେ ଆଶ୍ଚର୍ଯ୍ୟ ଚକିତ ହୋଇଛନ୍ତି । ସେ କହିବା ମୁତାବକ ବାଘଟି ଚାଲିବାକୁ ଅକ୍ଷମ ଥିବାରୁ ସେ ତାକୁ ଦଉଡ଼ି ସହାଯ୍ୟରେ ବାନ୍ଧି ପ୍ରାଣୀ ଚିକିତ୍ସାଳୟ ଅଭିମୁଖେ ଯାଇଥିଲା । ପରେ ବନ ବିଭାଗ ଅଧିକାରୀମାନେ ଏ ସଂପର୍କରେ ସୂଚନା ପାଇବା ପରେ କଲରାପତ୍ରିଆକୁ ଧରି ପ୍ରାଣୀ ଚିକିତ୍ସାକେନ୍ଦ୍ରରେ ଚିକିତ୍ସା କରାଇଥିଲେ । ବାଘର ଅବସ୍ଥା ସ୍ଥିର ଥିବା ବିଭାଗ ପକ୍ଷରୁ କୁହାଯାଇଛି ।
