କାବେରୀ ଜଳ ପରିଚାଳନା ବିରୋଧରେ ପୁରା କର୍ଣ୍ଣାଟକ ବନ୍ଦ
କର୍ଣ୍ଣାଟକରେ ଜୋର ଧରୁଛି କାବେରୀ ତାତି। କାବେରୀର ଜଳ ପରିଚାଳନା ପାଇଁ ଆଜି ପୂରାପୂରି ଠପ ହୋଇଛି କର୍ଣ୍ଣାଟକ । ଅଖଚକ ସବୁ ବନ୍ଦ । ତାମିଲନାଡୁକୁ କାବେରୀ ଜଳ ଛାଡିବାକୁ ବିରୋଧ କରି ଆଜି ପାଳିତ ହୋଇଛି କର୍ଣ୍ଣାଟକ ବନ୍ଦ । ବନ୍ଦ ଡାକରା ଦେଇଛନ୍ତି ୨ ହଜାରରୁ ଅଧିକ କନ୍ନଡ ସଂଗଠନ । ଫଳରେ ରାଜ୍ୟରେ ବନ୍ଦ ସମ୍ପୂର୍ଣ୍ଣ ସଫଳ ହେବା ଆଶା କରାଯାଉଛି । ଆନ୍ଦୋଳନକୁ ଦମନ କରିବାକୁ ଚେଷ୍ଟା ନ କରିବାକୁ ଧମକ ଦେଇଛି ବିଭିନ୍ନ ସଂଗଠନକୁ ନେଇ ଗଠିତ କନ୍ନଡ ଓକ୍କୁତା । ବନ୍ଦ ଯୋଗୁ ସମସ୍ତ ରାଜପଥ, ଟୋଲଗେଟ, ରେଳ ଓ ବିମାନ ସେବା ବନ୍ଦ ରହିବ ବୋଲି ସୂଚନା ମିଳିଛି । ବନ୍ଦ ଯୋଗୁ ରାଜ୍ୟର ସମସ୍ତ ସ୍କୁଲ ଓ କଲେଜ ବନ୍ଦ ରହିବ । ବନ୍ଦକୁ ସମ୍ପୂର୍ଣ୍ଣ ସଫଳ ଲାଗି ଆହ୍ବାନ ଦେଇଛନ୍ତି କନ୍ନଡ ଓକ୍କୁତା ନେତା ବାତାଲ ନାଗରାଜ ।
କର୍ଣ୍ଣାଟକ ମାଣ୍ଡ୍ୟାରେ ବି ଗୁରୁବାର ବିଭିନ୍ନ ଚାଷୀ ସଂଗଠନ କରିଛନ୍ତି ବିକ୍ଷୋଭ । ତାମିଲନାଡୁ ବିରୋଧରେ କରିଛନ୍ତି ନାରାବାଜି । ଗତ ୨୬ ତାରିଖରେ କାବେରୀ ନଦୀ ଜଳ ପ୍ରସଙ୍ଗରେ ୧୭୫ଟି ସଂଗଠନ ପକ୍ଷରୁ ପାଳିତ ହୋଇଥିଲା ବେଙ୍ଗାଳୁରୁ ବନ୍ଦ । ଗତ ୨୪ ତାରିଖରେ କାବେରୀ ନଦୀରେ ଚାଷୀମାନେ ଠିଆ ହୋଇ ଦୀର୍ଘ ସମୟ ଧରି ପ୍ରତିବାଦ କରିଥିବାବେଳେ ୨୫ ତାରିଖରେ ଖପୁରୀ ଓ ଖାଲି ହାଣ୍ଡି ଧରି ବିକ୍ଷୋଭ କରିଥିଲେ ଚାଷୀ । ତାମିଲନାଡୁକୁ ଅଧିକ ପାଣି ନଛାଡିବା ଦାବିରେ କର୍ଣ୍ଣାଟକ ମାଣ୍ଡ୍ୟାରେ ବି ବିଭିନ୍ନ ସଂଗଠନ କରିଥିଲେ ଆନ୍ଦୋଳନ ।ତେବେ ହି ବିରୋଧ ଆଜି ପୁରା କର୍ଣ୍ଣାଟକରେ ଏଖିବାକୁ ମିଳିଛି । ତେବେ ଦେଖିବାକୁ ବାକି ରହିଲା ଆଗାମୀ ପର୍ଯ୍ୟାୟରେ ଏହି ଆନ୍ଦୋଳନ କେଉଁ ରୂପ ନେଉଛି ।
