କିଏ ଜିତିବ ୱାର୍ଲ୍ଡକପ୍ ?
ସରିଛି ସବୁ ପ୍ରତୀକ୍ଷାର କଳ୍ପନାଜଳ୍ପନା । ଫାଇନାଲରେ ପହଞ୍ଚିଛି ଟିମ୍ ଇଣ୍ଡିଆ । ଆଉ ଟାଇଟଲ ହାତେଇ ୱାଲ୍ଡକପ୍ଅ ଜିତିବା ଲକ୍ଷ୍ୟରେ ଭାରତ । ବିପକ୍ଷରେ ରହିଛି ପରାକ୍ରମୀ କଙ୍ଗାରୁ ଦଳ । ଭାରତ-ଅଷ୍ଟ୍ରେଲିଆ ଫାଇନାଲ ମୁକାବିଲା ଅହମ୍ମଦାବାଦ ଗ୍ରାଉଣ୍ଡର ଅନୁଷ୍ଠିତ ହେବ , ଯାହାକୁ ନେଇ ସବୁ ଭାରତୀୟଙ୍କ ମନରେ ଉତ୍ସାହ ଦେଖିବାକୁ ମିଳିଛି। ଲଗାତର 10ଟି ମ୍ୟାଚରେ ଅପରାଜୟ ଭାରତ ତୃତୀୟ ଥର ବିଶ୍ବ ବିଜୟୀ ହେବାକୁ ଲକ୍ଷ୍ୟ ରଖିଥିବା ବେଳେ ଟିମ୍ ଅଷ୍ଟେଲିଆ ଷଷ୍ଠ ଥର ଚାମ୍ପିୟନ ମୁକୁଟ ପିନ୍ଧିବାକୁ ଆପ୍ରାଣ ଉଦ୍ୟମ କରିବ ।
ଭାରତ ପାଇଁ ଉଭୟ ବ୍ୟାଟିଂ ଓ ବୋଲିଂ ଗୁରୁତ୍ବପୂର୍ଣ୍ଣ ରହିବ । ବ୍ୟାଟିଂରେ ରୋହିତ ଏବଂ ବିରାଟ ଶତକ ଛିଡ଼ା କରିପାରନ୍ତି । ସେହିପରି ବୋଲିଂରେ ପ୍ରଥମ ୧୦ ଓଭରରେ କଙ୍ଗାରୁ ଟିମକୁ ଝଟକା ଦେଲେ ବିଶ୍ବକପ ଉପରେ କବଜା ନିଶ୍ଚିତ । ଆଜିର ମହାମୁକାବିଲା ଲାଗି ଭାରତ ବୋଲିଂରେ କିଛିଟା ପରିବର୍ତ୍ତନ ମଧ୍ୟ କରିପାରେ । ସମସ୍ତ ୧୪୦ କୋଟି ଭାରତୀୟ ଆଶା ରୋହିତ ବାହିନୀ ଉପରେ ରହିଛି । ଅପରାହ୍ନ ୨ଟାରେ ଆରମ୍ଭ ହେବ ମ୍ୟାଚ ।ଗୁଜରାଟ ଅହମ୍ମବାଦରେ ଆଜି କିଏ ଟାଇଟଲ ହାତଉଛି ତାକୁ ନେଇ ସଭିଙ୍କ ନଜର।
