ଇସ୍କନ ବ୍ରିଜ୍ ଉପରେ ଦୁର୍ଘଟଣା
ଏମିତି ବି ହୁଏ ମୃତ୍ୟୁ । ଯାହା ଆପଣ ଆଖିରେ ନଦେଖିଲେ ବିଶ୍ବାସ କରିପାରିବେ ନାହିଁ । ଦୁର୍ଘଟଣା ସ୍ଥାନରେ ଛିଡା ହୋଇଥିବା ବେଳେ ମାଡିଗଲା କାର୍। କନଷ୍ଟେବଳଙ୍କ ସମେତ ୯ ମୃତ, କାର୍ ଚାଳକ ଗୁରୁତର। ଆଜି ସକାଳେ ଗୁଜରାଟ ଅହମ୍ମଦାବାଦ ଇସ୍କନ ବ୍ରିଜ୍ ନିକଟରେ ଏହି ଭୟଙ୍କର ଦୁର୍ଘଟଣା ଘଟିଛି। ଗୁରୁତରଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । କିଛି ସମୟ ପୂର୍ବରୁ ଦୁଇଟି ଗାଡି ମଧ୍ୟରେ ଧକ୍କା ହୋଇଥିଲେ। ଏଠାରେ ଥିବା କିଛି ଲୋକ ଏବଂ ପୋଲିସ କର୍ମଚାରୀ ଘଟଣାସ୍ଥଳରେ ଛିଡା ହୋଇଥିଲେ। ଏହି ସମୟରେ ଦ୍ରୁତ ବେଗରେ ଏକ କାର୍ ଆସି ସେମାନଙ୍କ ଉପରେ ମାଡି ଯାଇଥିଲା। ଫଳରେ ୯ ଜଣଙ୍କର ମୃତ୍ୟ ଘଟିଛି। ମୃତକଙ୍କ ମଧ୍ୟରେ ଜଣେ କନଷ୍ଟେବଳ ଅଛନ୍ତି। ଘଟଣାରେ ଗୁଜରାଟ ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ଶୋକ ପ୍ରକାଶ କରିବା ସହ ଆହତଙ୍କ ଆଶୁ ଆରୋଗ୍ୟ କାମନା କରିଛନ୍ତି। ଏଥିସହ ମୃତକଙ୍କ ପରିବାରକୁ ୪ ଲକ୍ଷ ଏବଂ ଆହତଙ୍କୁ ୫୦ ହଜାର କ୍ଷତିପୂରଣ ଦେବାକୁ ଘୋଷଣା କରିଛନ୍ତି ।
