କୁଖ୍ୟାତ ଗ୍ୟାଙ୍ଗଷ୍ଟାର ମୁଖତାର ଅନସାରୀ ମୃତ
କୁଖ୍ୟାତ ଗ୍ୟାଙ୍ଗଷ୍ଟାର ମୁଖତାର ଅନସାରୀଙ୍କ ମୃତ୍ୟୁ । ୟୁପି ବାନ୍ଦା ହସ୍ପିଟାଲରେ ଦେହାନ୍ତ ହୋଇଛି । ଉତ୍ତରପ୍ରଦେଶ ମାଉ ସଦର ଆସନରୁ ୫ଥର ବିଧାୟକ ଥିଲେ ମୁଖତାର । ୨୦୦୫ରୁ ୟୁପି ଓ ଗୁଜରାଟର ବିଭିନ୍ନ ଜେଲରେ କଟୁଥିଲା ଦିନ । ମିଥ୍ୟା ଅସ୍ତ୍ରଶସ୍ତ୍ର ଲାଇସେନ୍ସ ମାମଲାରେ ମିଳିଥିଲା ଆଜୀବନ ସଜ୍ଜା । ୬୦ରୁ ଅଧିକ ଅପରାଧିକ ମାମଲା ଏବେବି ବିଚାରଧୀନ । ହୃଦଘାତ ପରେ ଚିକିତ୍ସାଧୀନ ଅବସ୍ଥାରେ ମୁଖତାର ଅନସାରୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ବାନ୍ଦା ଜେଲ୍ରେ ହୃଦଘାତ ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ୟୁପିର ମାଉ ଆସନରୁ ସେ ୫ ଥର ବିଧାୟକ ନିର୍ବାଚିତ ହୋଇଥିଲେ । ୧୯୯୬ରୁ ୨୦୨୨ ଯାଏଁ ବିଧାୟକ ଭାବେ ସେ ଦାୟିତ୍ୱ ତୁଲାଇଛନ୍ତି । ଗତ ୧୩ରେ ଅନସାରୀଙ୍କୁ ଆଜୀବନ ସଜା ଶୁଣାଇଥିଲେ କୋର୍ଟ । ମିଥ୍ୟା ଅସ୍ତ୍ରଶସ୍ତ୍ର ଲାଇସେନ୍ସ ମାମଲାରେ ଦଣ୍ଡାଦେଶ ହୋଇଥିଲା । ରମଜାନ ଚାଲିଥିବାରୁ ଜେଲରେ ଥାଇ ମଧ୍ୟ ମୁକ୍ତାର ଉପବାସ କରିଥିଲେ। ଦିନ ତମାମ ଉପବାସ କରିଥିବା ବେଳେ ସେ ସନ୍ଧ୍ୟାରେ ଏହାକୁ ଭଙ୍ଗ କରିଥିଲେ। କିନ୍ତୁ ହଠାତ ସେ ଉପବାସ ଭଙ୍ଗ କରିବା ମାତ୍ରେ ଅସୁସ୍ଥତା ଅନୁଭବ କରିଥିଲେ। ସେ ହାର୍ଟ ଆଟାକର ସାମନା କରିବାରୁ ତାଙ୍କୁ ବନ୍ଦା ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରାଯାଇଥିଲା। କିନ୍ତୁ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି।
