ଭାରତୀୟଙ୍କ ଆୟୁଷ ପ୍ରାୟ ୫ବର୍ଷ କମିଛି

ଦେଶରେ ଆୟୁଷ କମୁଛି, ପ୍ରଦୂଷଣ ବଢୁଛି

ଆୟୁଷ କମାଉଛି ପ୍ରଦୂଷଣ । ଦିନକୁ ଦିନ ପ୍ରଦୂଷଣର ମାତ୍ରା ବଢୁଥିବାରୁ ଦିଲ୍ଲୀବାସୀଙ୍କର ପ୍ରାୟ ୧୨ବର୍ଷ ଆୟୁଷ କମିଛି । ଭାରତୀୟଙ୍କ ଆୟୁଷ ପ୍ରାୟ ୫ବର୍ଷ କମିଛି । ୨୦୧୩ ପରଠାରୁ ବିଶ୍ବରେ ବାୟୂ ପ୍ରଦୂଷଣ ବୃଦ୍ଧି ପାଇଁ ଭାରତର ପ୍ରଦୂଷଣ ୫୯ ପ୍ରତିଶତ ଦାୟୀ । ବିଶ୍ବର ସବୁଠୁ ପ୍ରଦୂଷିତ ଦକ୍ଷିଣ ଏସୀୟ ଦେଶଗୁଡ଼ିକର ବାୟୂ ପ୍ରଦୂଷଣକୁ ନେଇ ଚିନ୍ତାଜନକ ରିପୋର୍ଟ ୟୁନିଭର୍ସିଟି ଅଫ ଚିକାଗୋ ଏନର୍ଜି ପଲିସି ଇନଷ୍ଟିଚ୍ୟୁଟ ବା EPIC ପକ୍ଷରୁ ସାମ୍ନାକୁ ଆସିଛି । ମଙ୍ଗଳବାର ଏୟାର କ୍ବାଲିଟି ଲାଇଫ ଇଣ୍ଡେକ୍ସ ପ୍ରକାଶ ପାଇଛି । ଦକ୍ଷିଣ ଏସିଆର ବିକାଶଶୀଳ ରାଷ୍ଟ୍ରଗୁଡ଼ିକୁ ସବୁଠୁ ଅଧିକ ପ୍ରଦୁଷିତ ରାଷ୍ଟ୍ର ବୋଲି ରିପୋର୍ଟରେ ଉଲ୍ଲେଖ କରିଛି EPIC । ବାଂଲାଦେଶ, ଭାରତ, ନେପାଳ, ପାକିସ୍ତାନର ବାୟୂ ପ୍ରଦୂଷଣକୁ ନେଇ ରିପୋର୍ଟ ଦେଇଛି ଚିକାଗୋ ବିଶ୍ବବିଦ୍ୟାଳୟ ।