ସଫଳତାର ଆଉ ଏକ ପାହାଚ ଚଢିଲା ଇସ୍ରୋ
ସଫଳତାର ଆଉ ଏକ ପାହାଚ ଚଢିଲା ଇସ୍ରୋ । ଲୋୟର ଅର୍ବିଟରେ ଲ୍ୟାଣ୍ଡରର ଡିବୁଷ୍ଟିଂ ସମ୍ପନ୍ନ । ଗତି ହ୍ରାସ କରିବା ଲାଗି ଲ୍ୟାଣ୍ଡରର ହେଲା ଡିବୁଷ୍ଟିଂ । ଡିବୁଷ୍ଟିଂ ଯୋଗୁ ଦୂରତା ରହିବ ମାତ୍ର 30 କିଲୋମିଟର । ଅତି ନିକଟତମ ସ୍ଥାନ ପେରିଲ୍ୟୁନର ଦୂରତା ରହିବ 30 କିମି । ସବୁଠାରୁ ଦୂର ପଏଣ୍ଟ ଆପୋଲ୍ୟୁନର ଦୂରତା ରହିବ 100 କିମି । ଚନ୍ଦ୍ରର ଦକ୍ଷିଣ ମେରୁରେ ସଫ୍ଟ ଲ୍ୟାଣ୍ଡିଂ କରିବ ଚନ୍ଦ୍ରଯାନ-୩ । 23 ତାରିଖ ସନ୍ଧ୍ୟା 5ଟା 47ରେ ଲ୍ୟାଣ୍ଡର କରିବ ସଫ୍ଟ ଲ୍ୟାଣ୍ଡିଂ । ଗତକାଲି ଅଲଗା ହୋଇଥିଲା ପ୍ରପଲସନ ମଡ୍ୟୁଲ ଓ ଲ୍ୟାଣ୍ଡର । ଇସ୍ରୋ ଟ୍ୱିଟ୍ କରି କହିଛି ଯେ ଲ୍ୟାଣ୍ଡର ମଡ୍ୟୁଲ ଭଲ ସ୍ଥିତିରେ ଅଛି । ଏହାକୁ ସଫଳତାପୂର୍ବକ ଡିବୁଷ୍ଟିଂ ଅପରେଶନ କରିଛି ଯାହାଫଳରେ ଏହାର କକ୍ଷ ୧୧୩କିମିX୧୫୭ କିମି ପର୍ଯ୍ୟନ୍ତ କମ୍ ହୋଇଯାଇଛି । ଦ୍ୱିତୀୟ ଡିବୁଷ୍ଟିଂ ଅପରେସନ ୨୦ ଅଗଷ୍ଟରେ ନିର୍ଦ୍ଧାରିତ କରାଯାଇଛି । ଏହାପୂର୍ବରୁ ଗୁରୁବାର ପ୍ରପଲସନ ମଡ୍ୟୁଲରୁ ଲ୍ୟାଣ୍ଡର ସଫଳତାପୂର୍ବକ ଅଲଗା ହୋଇଥିଲା ।
