ରାମ ଶଙ୍କର କଠେରିଆଙ୍କୁ ୨ ବର୍ଷ ଜେଲ୍ ଦଣ୍ଡ, ବିଧାୟକ ପଦ ରଦ୍ଦ
୧୨ ବର୍ଷ ପୁରୁଣା ମାମଲାରେ ବିଜେପି ସାଂସଦ ରାମ ଶଙ୍କର କଠେରିଆ ଦୋଷୀ ସାବ୍ୟସ୍ଥ । ଆଗ୍ରାର ଏମପି-ଏମଏଲଏ କୋର୍ଟ କଠେରିଆଙ୍କୁ ଧାରା ୧୪୭ ଏବଂ ୩୨୩ ଆଧାରରେ ଦୋଷୀ ସାବ୍ୟସ୍ତ କରିଛନ୍ତି । ଉତ୍ତରପ୍ରଦେଶର ଇଟାୱାରୁ ବିଜେପି ସାଂସଦ ଅଛନ୍ତି ରାମ ଶଙ୍କର । ବିଜେପି ସାଂସଦଙ୍କ ଉପରେ ସାକେତ ମଲରେ ଟୋରେଣ୍ଟ କମ୍ପାନୀର ଅଫିସରେ ହଙ୍ଗାମା କରି ଭଙ୍ଗାରୁଜା କରିବାର ଆରୋପ ରହିଛି । ୧୬ ନଭେମ୍ବର ୨୦୧୧ରେ ଘଟଣା ଘଟିଥିଲା । ଏହି ମାମଲାରେ କୋର୍ଟ ଦୁଇ ବର୍ଷ ଦଣ୍ଡାଦେଶ ଶୁଣାଇଛନ୍ତି । ଏଥିସହିତ ୫୦ ହଜାର ଟଙ୍କାର ଜରିମାନା ଲଗାଇଛନ୍ତି । ଏଭଳି ସ୍ଥିତିରେ ରାମ ଶଙ୍କର କାଠେରିଆଙ୍କ ସାଂସଦ ସଦସ୍ୟତା ରଦ୍ଦ ହେବ ବୋଲି ଆଶଙ୍କା କରାଯାଇଛି । ଟୋରେଣ୍ଟ ପାୱାର ଲିମିଟେଡ ଆଗ୍ରାର ସାକେତ ମଲରେ ସ୍ଥିତ କାର୍ଯ୍ୟାଳୟରେ ମ୍ୟାନେଜର ଭାବେଶ ରସିକ ଲାଲ ଶାହ ବିଜୁଳି ଚୋରି ସହ ସମ୍ବନ୍ଧିତ ମାମଲାର ଶୁଣାଣି କରୁଥିଲେ । ଏହି ସମୟରେ ସ୍ଥାନୀୟ ସାଂସଦ ରାମ ଶଙ୍କର କାଠେରିଆଙ୍କ ସହ ଆସିଥିବା ୧୦ରୁ ୧୫ ସମର୍ଥକ ଭାବେଶ ରସିକ ଲାଲ ଶାହଙ୍କ କାର୍ଯ୍ୟାଳୟରେ ପସିଥିଲେ ଏବଂ ତାଙ୍କ ସହ ମାରପିଟ ଆରମ୍ଭ କରିଦେଇଥିଲେ । ଆକ୍ରମଣରେ ଭାବେଶ ଗଭୀର ଭାବେ ଆହତ ହୋଇଥିଲେ । ଏହାପରେ ଟୋରେଣ୍ଟ ପାୱାରର ସୁରକ୍ଷା ନୀରିକ୍ଷକ ସମେଧି ଲାଲ ହରିପର୍ବତ ଥାନାରେ ମାମଲା ରୁଜୁ କରିଥିଲେ । ମାମଲା ଆଧାରରେ ସାଂସଦ ରାମ ଶଙ୍କର ଏବଂ ତାଙ୍କ ସମର୍ଥକଙ୍କ ବିରୋଧରେ ମକଦ୍ଦମା ହୋଇଥିଲା ।
