ହୃଦ୍ଘାତରେ ୫୧ ବର୍ଷୀୟ ଅମ୍ବରିସଙ୍କ ମୃତ୍ୟୁ
ଜଣାଶୁଣା ଅନଲାଇନ ଫର୍ଣ୍ଣିଚର କମ୍ପାନୀ ପେପରଫ୍ରାଏର ସହ-ପ୍ରତିଷ୍ଠାତା ଅମ୍ବରିସ ମୁର୍ତ୍ତୀଙ୍କ ଦେହାନ୍ତ ହୋଇଯାଇଛି। ହୃଦ୍ଘାତ ହେତୁ ୫୧ ବର୍ଷୀୟ ଅମ୍ବରିସ ମୁର୍ତ୍ତୀଙ୍କର ଲେହରେ ମୃତ୍ୟୁ ହୋଇଯାଇଛି। ପେପରଫ୍ରାଏର ଅନ୍ୟତମ ସହ-ପ୍ରତିଷ୍ଠାତା ଆଶିଷ ସିଂ ଏକ ଟୁଇଟ୍ ମାଧ୍ୟମରେ ଦୁଃଖଦ ଖବର ଦେଇଛନ୍ତି | ସେ ଲେଖିଛନ୍ତି ଯେ ହୃଦଘାତ ହେତୁ ସେ ତାଙ୍କ ବନ୍ଧୁ ତଥା ପରାମର୍ଶଦାତା ଅମ୍ବରିସ ମୁର୍ତ୍ତୀଙ୍କୁ ହରାଇଛନ୍ତି। ୧୯୯୬ରେ ଅମ୍ବରିସ ମୁର୍ତ୍ତୀ ବ୍ୟବସାୟ ଜଗତରେ ପ୍ରବେଶ କରିଥିଲେ | ସେତେବେଳେ ସେ କ୍ୟାଡବରୀରେ ସହିତ ବିକ୍ରୟ ଏବଂ ମାର୍କେଟିଂ ପ୍ରଫେସନାଲ ଭାବରେ କାମ କରିବା ଆରମ୍ଭ କରିଥିଲେ।
