ଇସ୍ରୋକୁ ସେଲଫି ପଠାଇଲା ଆଦିତ୍ୟ ଏଲ-୧
ପୃଥିବୀ ଓ ଚନ୍ଦ୍ରର ଫଟୋ ପଠାଇବା ସହ ଏକ ସେଲଫି ପଠାଇଛି ଆଦିତ୍ୟ ଏଲ-୧ । ଏନେଇ ସୂଚନା ଦେଇଛି ମହାକାଶ ଗବେଷଣା ସଂସ୍ଥା ଇସ୍ରୋ । ସୂର୍ଯ୍ୟ ଓ ପୃଥିବୀ ମଧ୍ୟସ୍ଥ ଏଲ୧ ପଏଣ୍ଟରେ ଅବସ୍ଥାପିତ ହେବାକୁ ଯାଉଥିବା ଆଦିତ୍ୟ ଏଲ-୧ ବର୍ତ୍ତମାନ ସୁଦ୍ଧା ସଫଳତାର ସହ ଦୁଇଟି କକ୍ଷପଥ ପରିବର୍ତ୍ତନ କରିସାରିଲାଣି । ପ୍ରାୟ ୪ ମାସର ଯାତ୍ରା ପରେ ଆଦିତ୍ୟ ସ୍ପେସକ୍ରାଫ୍ଟ ଏଲ-୧ ପଏଣ୍ଟରେ ଅବସ୍ଥାପିତ ହେବ । ଆଦିତ୍ୟ ପଠାଇଥିବା ସେଲଫିରେ ଦୁଇଟି ପ୍ରମୁଖ ପେଲୋଡ ଭିଜିବଲ ଏମିସନ ଲାଇନ କରୋନାଗ୍ରାଫ ବା ଭିଇଏଲସି ଓ ସୋଲାର ଅଲଟ୍ରାଭାଓଲେଟ ଇମେଜିଂ ଟେଲିସ୍କୋପ ବା ଏସୟୁଆଇଟି ଦୃଶ୍ୟମାନ ହେଉଛି । ପୃଥିବୀଠାରୁ ପ୍ରାୟ ୧୫ ଲକ୍ଷ କିଲୋମିଟର ଦୂରରେ ଅବସ୍ଥାପିତ ହେବ ଆଦିତ୍ୟ ଏଲ-୧ ।
