ଇଣ୍ଡିଆ ମେଣ୍ଟକୁ ପୁଣି ଝଟକା, ପଞ୍ଜାବର ସବୁ ଲୋକସଭା ଆସନରେ ପ୍ରାର୍ଥୀ ଦେବ ଆପ
ଇଣ୍ଡିଆ ମେଣ୍ଟକୁ ମିଳୁଛି ଝଟକା। ହାତ ଛାଡ଼ୁଛନ୍ତି ଗୋଟିଏ ପରେ ଗୋଟିଏ ଦଳ। ପଞ୍ଜାବର ସବୁ ଲୋକସଭା ଆସନରେ ପ୍ରାର୍ଥୀ ଦେବ ବୋଲି ଘୋଷଣା କରିଛନ୍ତି ଅରବିନ୍ଦ କେଜ୍ରିୱାଲ । ନିର୍ବାଚନକୁ ଆଉ ଅଳ୍ପ ମାସ ବାକିଥିବା ବେଳେ ପଞ୍ଜାବ ମୁଖ୍ୟମନ୍ତ୍ରୀ ଭଗୱନ୍ତ ମାନଙ୍କ ସହ ମିଶି ସେ ଅନେକ ସରକାରୀ ଯୋଜନାର ଶୁଭାରମ୍ଭ କରୁଛନ୍ତି । ଏହାସହ ଦୁଇ ମୁଖ୍ୟମନ୍ତ୍ରୀ ବିଭିନ୍ନ ସ୍ଥାନ ଗସ୍ତ କରି ଲୋକଙ୍କୁ ଆର୍ଶିବାଦ ମାଗୁଛନ୍ତି । ଏସବୁ ଭିତରେ ଆଜି ପଞ୍ଜାବ ଗସ୍ତରେ ଥିବା ଅରବିନ୍ଦ କେଜ୍ରିୱାଲ ଏକ ବଡ ଘୋଷଣା କରିବା ଅବସରରେ କହିଛନ୍ତି କି, ପଞ୍ଜାବର ସମସ୍ତ ଲୋକସଭା ଆସନରେ ଆପ୍ ପ୍ରାର୍ଥୀ ଦେବ । ଶନିବାର ଦିନ ପଞ୍ଜାବର ଖନ୍ନା ଠାରେ ଏକ ସଭାରେ ଭାଷଣ ଦେବା ଅବସରରେ କେଜ୍ରିୱାଲ କହିଛନ୍ତି କି, ଆଗାମୀ ୧୫ ଦିନ ମଧ୍ୟରେ ପଞ୍ଜାବର ୧୪ ଓ ଚଣ୍ଡିଗଡର ଗୋଟିଏ ଲୋକସଭା ଆସନ ପାଇଁ ଦଳ ପ୍ରାର୍ଥୀ ତାଲିକା ଘୋଷଣା କରିବ ।
