ଗିରଫ ହେଲେ ଆପ୍ ସାଂସଦ ସଞ୍ଜୟ ସିଂ
ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ଇଡି ଏକ ବଡ଼ ପଦକ୍ଷେପ ନେଇଛି । ଦୀର୍ଘ ଦିନ ଧରି ପଚରାଉଚରା ପରେ ଇଡି ଆପ୍ ସାଂସଦ ସଞ୍ଜୟ ସିଂଙ୍କୁ ଗିରଫ କରିଛି । ଦିଲ୍ଲୀ ମଦ ନୀତି ମାମଲାରେ ସମ୍ପୃକ୍ତ ଥିବା କାରଣରେ ‘ଆପ୍’ ନେତା ସଞ୍ଜୟ ସିଂହଙ୍କ ବାସଭବନରେ ‘ପ୍ରବର୍ତ୍ତନ ନିର୍ଦେଶାଳୟ’ ଚଢ଼ଉ କରିଥିଲା। ଚଢ଼ଉ ପରେ ତାଙ୍କୁ ୧୦ ଘଣ୍ଟା ପଚରାଉଚରା କରିଥିଲେ ଇଡିର ଅଧିକାରୀ । ଏବେ ପଚରାଉଚରା ପରେ ତାଙ୍କୁ ଗିରଫ କରିଛି ଇଡି । କୁହାଯାଉଛି ଯେ, ସଞ୍ଜୟଙ୍କୁ ଆଜି ରାତିରେ ଇଡି ମୁଖ୍ୟାଳୟର ହାଜତରେ ରଖାଯିବ । ଆସନ୍ତାକାଲି ଡାକ୍ତରୀ ପରୀକ୍ଷା କରାଯାଇ କୋର୍ଟରେ ହଜାର କରିବ ଇଡି । ତେବେ ଚଢ଼ଉ ପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଥିଲେ ଯେ, ସେମାନେ ଖାଲି ‘ଦୁର୍ନୀତି’ ଅଭିଯୋଗ କରୁଛନ୍ତି। ମୁଁ ଗୁଡ଼ାଏ ତଦନ୍ତ କଲି କିନ୍ତୁ, କିଛି ପାଇଲି ନାହିଁ। ସଞ୍ଜୟ ସିଂହଙ୍କ ଘରୁ ମଧ୍ୟ ସେମାନେ କିଛି ପାଇବେ ନାହିଁ।
