ଚନ୍ଦ୍ରଶେଖର ଆଜାଦଙ୍କୁ କାହିଁକି କରିଥିଲେ ଆକ୍ରମଣ
ଭୀମ ଆର୍ମି ମୁଖ୍ୟ ଚନ୍ଦ୍ରଶେଖର ଆଜାଦ ରାବଣଙ୍କ ଉପରେ ଆକ୍ରମଣ ଅଭିଯୋଗରେ ପୋଲିସ ୪ ଯୁବକଙ୍କୁ ଗିରଫ କରିଛି । ହରିୟାଣାର ଅମ୍ବାଲାରୁ ଉକ୍ତ ଯୁବକଙ୍କୁ ପୁଲିସ ଗିରଫ କରାଯାଇଛି । ସେମାନଙ୍କ ନାମ ଲବିଶ, ଆକାଶ ଓ ପୋପଟ ଓ ବିକାଶ । ପ୍ରଥମ ୩ ଜଣ ରଣଖଣ୍ଡି ଗ୍ରାମର ବାସିନ୍ଦା ହୋଇଥିବାବେଳେ ବିକାଶ ହରିୟାଣାର କର୍ନାଲର ଗୋଣ୍ଡର ଗାଁର ବାସିନ୍ଦା । ସେମାନଙ୍କୁ ଏବେ ପଚରାଉଚୁରା ଜାରି ରହିଛି । ଅମ୍ବାଲା ଏସଟିଏଫ ପକ୍ଷରୁ ସେମାନଙ୍କୁ ଗିରଫ କରାଯାଇଥିଲା । ତେବେ ସେମାନଙ୍କ ନିକଟରୁ କୌଣସି ଅସ୍ତ୍ରଶସ୍ତ୍ର ମିଳିନାହିଁ ବୋଲି ଡିଏସପି ଅମନ କୁମାର କହିଛନ୍ତି । ସେମାନଙ୍କୁ ଉତ୍ତରପ୍ରଦେଶ ପୁଲିସକୁ ହସ୍ତାନ୍ତର କରାଯାଇଛି ।
