ଗ୍ୟାଙ୍ଗଷ୍ଟର ଯିବ କଳାପାଣି !
ଗ୍ୟାଙ୍ଗଷ୍ଟରଙ୍କୁ କଳାପାଣି ସଜା । ଆଣ୍ଡାମାନ ସିଫ୍ଟ ହେବେ ଦୁର୍ଦ୍ଦାନ୍ତ ଅପରାଧୀ । ଏନେଇ କେନ୍ଦ୍ର ଗୃହ ମନ୍ତ୍ରଣାଳୟକୁ ଚିଠି ଲେଖିଛି NIA । ଉତ୍ତର ଭାରତର ବିଭିନ୍ନ ଜିଲ୍ଲାରେ କଏଦ ଥିବା ୧୦ରୁ ୧୨ ଅପରାଧୀଙ୍କୁ ଆଣ୍ଡାମାନ-ନିକୋବର ଦ୍ବୀପକୁ ସ୍ଥାନାନ୍ତର କରାଯିବ । କିଛି ଗ୍ୟାଙ୍ଗଷ୍ଟରଙ୍କୁ ଆସାମ ଡିବ୍ରୁଗଡ଼ ଜେଲ ପଠାଇବାକୁ ମଧ୍ୟ ଯୋଜନା କରୁଛି କେନ୍ଦ୍ରୀୟ ତଦନ୍ତକାରୀ ସଂସ୍ଥା । ଗୃହ ମନ୍ତ୍ରଣାଳୟ ଅଧିକାରୀ ଓ NIA ଟିମ୍ ମଧ୍ୟରେ ଏନେଇ ଦୀର୍ଘ ଘଣ୍ଟା ଧରି ଆଲୋଚନା ହୋଇଛି । ଦିଲ୍ଲୀ, ପଞ୍ଜାବ ଓ ହରିଆଣାର ବିଭିନ୍ନ ଜେଲରେ ବନ୍ଦୀ ଥିବା ଗ୍ୟାଙ୍ଗଷ୍ଟର ଜେଲ ଭିତରେ ରହି ମଧ୍ୟ କ୍ରାଇମ ସିଣ୍ଡିକେଟ ଚଳାଇଥିବାରୁ ସେମାନଙ୍କୁ କଳାପାଣି ସଜା କାଟିବାକୁ ପଠାଇବାକୁ ଯୋଜନା କରୁଛି NIA ।
