ବ୍ରିଜଭୂଷଣ ଶରଣଙ୍କ କଟିଲା ଟିକେଟ୍
ହେଭିଓ୍ୱେଟ୍ ନେତାଙ୍କୁ ଆଉଟ୍ କଲା ବିଜେପି। ମହିଳା କୁସ୍ତି ଯୋଦ୍ଧାଙ୍କୁ ଯୌନ ନିର୍ଯାତନା ଅଭିଯୋଗ ମାମଲାରେ ଛନ୍ଦି ହୋଇଥିବା ବିଜେପି ନେତା ବ୍ରିଜଭୂଷଣ ଶରଣଙ୍କ କଟିଲା ଟିକେଟ୍। ଏଥିର ବିଜେପି ତାଙ୍କୁ ନିର୍ବାଚନ ରେସ୍ରୁ ଆଉଟ୍ କରିଛି। ତାଙ୍କ ବଦଳରେ ତାଙ୍କ ପୁଅ କରଣ ଭୂଷଣ ଶରଣ ସିଂହଙ୍କୁ ଟିକେଟ୍ ମିଳିଛି। ଉତ୍ତର ପ୍ରଦେଶର କେସରଗଞ୍ଜ ଆସନରୁ ତାଙ୍କୁ ପ୍ରାର୍ଥୀ କରାଯାଇଛି। କରଣ ଭୂଷଣ ସିଂହ ହେଉଛନ୍ତି ସାଂସଦ ବ୍ରିଜଭୂଷଣ ଶରଣ ସିଂହଙ୍କ ସାନ ପୁଅ। ସେ ଉତ୍ତରପ୍ରଦେଶ ରେସଲିଂ ଆସୋସିଏସନ ସଭାପତି ଅଛନ୍ତି। ପ୍ରଥମ ଥର ପାଇଁ କରଣ ନିର୍ବାଚନ ମୈଦାନକୁ ଓହ୍ଲାଇଛନ୍ତି। ସେହିପରି ବ୍ରିଜଭୂଷଣ ଶରଣ ସିଂହଙ୍କ ବଡ଼ ପୁଅ ପ୍ରତୀକ ଭୂଷଣ ସିଂହ ଗୋଣ୍ଡାରୁ ବିଧାୟକ ଅଛନ୍ତି।
