ପୋଖରାନରେ ଭାରତର ଶକ୍ତି ପ୍ରଦର୍ଶନ
ପୋଖରାନରେ ଭାରତର ଶକ୍ତି ପ୍ରଦର୍ଶନ । ଜଳ-ସ୍ଥଳ-ଆକାଶ ବାହିନୀର ପରାକ୍ରମ । ୩ସେନାର ଭାରତ ଶକ୍ତି ସମରାଭ୍ୟାସ । ପ୍ରତିରକ୍ଷା କ୍ଷେତ୍ରରେ ଆତ୍ମନିର୍ଭର ଭାରତର ଝଲକ । ସ୍ୱଦେଶୀ ଯୁଦ୍ଧାସ୍ତ୍ରରେ ଦମ ଦେଖାଇଲା ହିନ୍ଦୁସ୍ତାନ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପସ୍ଥିତିରେ କରାଯାଇଛି ସମରାଭ୍ୟାସ । ୪୦ଦେଶର ପ୍ରତିନିଧି ସାମିଲ ହୋଇ ଦେଖିଛନ୍ତି ଭାରତର ବୀରଙ୍କ ଜଲୱା । ପୂର୍ବରୁ ବିଦେଶରୁ ସାମରିକ ଅସ୍ତ୍ର ଶସ୍ତ୍ର ଆମଦାନୀ କରି ଭାରତ ମଜଭୁତ ହେଉଥିବା ବେଳେ ଏବେ ସ୍ୱଦେଶୀ ଜ୍ଞାନ କୌଶଳର ଗୁରୁତ୍ୱ ଦେଉଛି । ଯେଉଁ ଯୁଦ୍ଧସ୍ତ୍ର ପ୍ରସ୍ତୁତ ହେଉଛି ସେସବୁର ପ୍ରଦର୍ଶନ ରାଜସ୍ଥାନ ପୋଖରାନରେ କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଜାତୀୟ ସୁରକ୍ଷା ପରାମର୍ଶ ଦାତା ଅଜିତ ଡୋଭାଲ, ସିଡିଏସ ଅନୀଲ ଚୌହାନ, ୩ ସେନାର ମୁଖ୍ୟ ଏହି ସାମରିକ ସମରାଭ୍ୟାସରେ ଉପସ୍ଥିତ ଥିଲେ ।
