ପ୍ରାକୃତିକ ଉପାୟରେ କରନ୍ତୁ ବିପି ନିୟନ୍ତ୍ରଣ
ଆଜିର ବ୍ୟସ୍ତବହୁଳ ଜୀବନରେ ଅଳ୍ପ ବୟସରେ ହାଇ ବିପି ଏବଂ ଡାଇବେଟିସ୍ ରୋଗରେ ପୀଡିତ ହେଉଛନ୍ତି ଅନେକ ଲୋକ । ତେବେ ଏହାର ମୁଖ୍ୟ କାରଣଗୁଡ଼ିକ ଟେନସନ ଏବଂ ଭୁଲ ଖାଇବା ଅଭ୍ୟାସ ବୋଲି କୁହାଯାଏ । ହାଇ ବିପି ଶରୀର ପାଇଁ ବିପଦଜନକ ହୋଇପାରେ । ଏହା ହାର୍ଟ ଆଟାକର ଆଶଙ୍କା ମଧ୍ୟ ବଢାଇଥାଏ । ତେଣୁ ସର୍ବଦା ଆପଣ ନିଜ ବିପିକୁ ନିୟନ୍ତ୍ରଣରେ ରଖିବା ଉଚିତ । ତେବେ ଆପଣ ହାଇ ବ୍ଲଡ ପ୍ରେସରକୁ ନିୟନ୍ତ୍ରଣ କରିବା ପାଇଁ ଚାହୁଁଛନ୍ତି କି ? ଯଦି ଆପଣ ଜଣେ ହାଇ ବିପି ରୋଗୀ ତେବେ କିଛି ଏପରି ଅଭ୍ୟାସକୁ ଆପଣଙ୍କ ଜୀବନର ସାମିଲ୍ କରନ୍ତୁ ଯାହା ବ୍ଲଡ ପ୍ରେସର କମ କରିବାରେ ଆପଣଙ୍କୁ ସାହାଯ୍ୟ କରିବ। ଆସନ୍ତୁ ଜାଣିବା ବିପିକୁ ନିୟନ୍ତ୍ରଣ କରିବାର ପ୍ରାକୃତିକ ଉପାୟ କ’ଣ ?
ପ୍ରତିଦିନ ବ୍ୟାୟାମ କରନ୍ତୁ :-
ଫିଟନେସର ମୂଳ ମନ୍ତ୍ର ହେଉଛି ନିୟମିତ କିଛି ବ୍ୟାୟାମ କରିବା । ଏହା ସହିତ ଅନେକ ରୋଗର ଆଶଙ୍କା କମିଯାଇପାରେ । ହାଇ ବିପିକୁ ନିୟନ୍ତ୍ରଣ କରିବା ପାଇଁ ପ୍ରତିଦିନ ବ୍ୟାୟାମ କରିବା ମଧ୍ୟ ଜରୁରୀ ହୋଇଥାଏ । ତେବେ ଏହା ଓଜନ କମ୍ କରିବା ସହ ଅନେକ ରୋଗରୁ ମଧ୍ୟ ରକ୍ଷା ମଧ୍ୟ କରିପାରେ । ଶରୀରରେ ରକ୍ତ ଠିକ୍ ଭାବେ ପ୍ରବାହିତ ହୋଇଥାଏ, ଯେଉଁଥିପାଇଁ ବ୍ଲଡ୍ ପ୍ରେସର ଠିକ୍ ରହିଥାଏ । ଯେପରି ଆପଣ ଚାଲିବା, ଡ୍ୟାନ୍ସ କରିବା, ପାହାଚ ଚଢିବା, ସାଇକେଲ ଚଲାଇବା କିମ୍ବା ପହଁରିବା ଭଳି ଅନେକ କାର୍ଯ୍ୟ କରିପାରିବେ ।
ଖାଦ୍ୟରେ ଲୁଣ କମ୍ କରନ୍ତୁ :-
ବ୍ଲଡ୍ ପ୍ରେସର ରୋଗୀଙ୍କୁ କମ୍ ଲୁଣ ଖାଇବାକୁ ପରାମର୍ଶ ଦିଆଯାଇଥାଏ । ତେବେ ସୋଡିୟମରେ ଲୁଣ ଅଧିକ ରହିଥାଏ, ଯେଉଁ କାରଣରୁ ରକ୍ତ ମସ୍ତିଷ୍କରେ ଶୀଘ୍ର ପହଞ୍ଚେ ଏବଂ ଏଥି ଯୋଗୁ ବ୍ଲଡ ପ୍ରେସର ଭଳି ସମସ୍ୟା ହୋଇପାରେ । ସେଥିପାଇଁ ଯେଉଁମାନଙ୍କର ହାଇ ବିପି ସମସ୍ୟା ରହିଛି ସେମାନଙ୍କୁ ଲୁଣ କମ୍ ଖାଇବା ଉଚିତ । କାରର ଶରୀରରେ ଅତ୍ୟଧିକ ସୋଡିୟମ୍ ହେତୁ ଫୁସଫୁସ ରୋଗ, ଷ୍ଟ୍ରୋକ୍, ହାର୍ଟ ଆଟାକ ଭଳି ଗୁରୁତର ରୋଗ ହେବାର ଆଶଙ୍କା ବଢିଯାଏ ।
ମଦ୍ୟପାନ ବନ୍ଦ କରନ୍ତୁ :-
ମଦ୍ୟପାନ କେବଳ ହାଇ ବ୍ଲଡ ପ୍ରେସରରେ ନୁହେଁ ଲିଭର ଏବଂ କିଡନୀ ରୋଗରେ ମଧ୍ୟ ଏକ ବିଷ ଭାବରେ କାମ କରିଥାଏ । ଯଦି ଆପଣ ବ୍ଲଡ ପ୍ରେସର ରୋଗୀ ତେବେ ସର୍ବପ୍ରଥମେ ମଦ୍ୟପାନ କରିବାର ଅଭ୍ୟାସ ତ୍ୟାଗ କରନ୍ତୁ । ଏହି କାରଣରୁ ବ୍ଲଡ ପ୍ରେସର ଲେବଳ ବହୁତ ଅଧିକ ହୁଏ ଏବଂ ଓଜନ ମଧ୍ୟ ବଢିପାରେ । ସେଥିପାଇଁ ହାଇ ବ୍ଲଡ ପ୍ରେସର ରୋଗୀମାନେ ମଦ୍ୟପାନ କରିବା ଉଚିତ୍ ନୁହେଁ ।
ଧୂମପାନ କରନ୍ତୁ ନାହିଁ :-
ଧୂମପାନ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇଥାଏ । ସିଗାରେଟରେ ଅନେକ ରାସାୟନିକ ପଦାର୍ଥ ଅଛି ଯାହା ଫୁସଫୁସକୁ କ୍ଷତି ପହଞ୍ଚାଇଥାଏ । ଏପରି ପରିସ୍ଥିତିରେ ନିଶ୍ୱାସ ନେବାରେ ଅସୁବିଧା ହୋଇଥାଏ । ତେବେ ଧୂମପାନ କରୁଥିବା ଲୋକଙ୍କଠାରେ ଏହି ରୋଗ ହେବାର ଆଶଙ୍କା ବଢିଯାଏ । ତେଣୁ ଧୂମପାନକୁ ସଂପୂର୍ଣ୍ଣ ଛାଡି ଦେବା ଉଚିତ ।
ଖାଦ୍ୟରେ ଏପରି କିଛି ପରିବର୍ତ୍ତନ କରନ୍ତୁ :-
ହାଇ ବ୍ଲଡ ପ୍ରେସରକୁ ନିୟନ୍ତ୍ରଣ କରିବା ପାଇଁ, ଆପଣଙ୍କ ଖାଦ୍ୟରେ ମ୍ୟାଗ୍ନେସିୟମ୍ ଭଳି ଖାଦ୍ୟ ଅନ୍ତର୍ଭୁକ୍ତ କରିବା ଉଚିତ୍ । ଏଥିପାଇଁ ଖାଦ୍ୟରେ ପାଳଙ୍ଗ, ଲାଉ ଏବଂ ବାଦାମ ଅନ୍ତର୍ଭୂକ୍ତ କରନ୍ତୁ । ଏହା ବ୍ୟତୀତ ବିପି ପୋଟାସିୟମ୍ ଭଳି ଖାଦ୍ୟ ଖାଇବା ଦ୍ୱାରା ମଧ୍ୟ ନିୟନ୍ତ୍ରଣ କରାଯାଇପାରେ । ପୋଟାସିୟମ୍ ଶରୀରରେ ସୋଡିୟମର ପ୍ରଭାବକୁ କମ୍ କରିଥାଏ । ଏଥିପାଇଁ ଖାଦ୍ୟରେ ଆଳୁ, କମଳା, କିସମିସ୍, ଅଙ୍ଗୁର ଅନ୍ତର୍ଭୁକ୍ତ କରନ୍ତୁ ।
