ଉତ୍ତରାଖଣ୍ଡରେ ଲାଗୁ ହେବ ୟୁସିସି
ଉତ୍ତରାଖଣ୍ଡ ଭାରତର ପ୍ରଥମ ରାଜ୍ୟ ହେବାକୁ ଯାଉଛି, ଯେଉଁଠାରେ ୟୁନିଫର୍ମ ସିଭିଲ କୋଡ ବା ୟୁସିସି ଲାଗୁ ହେବ। ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ସ୍ପଷ୍ଟ କରିଛନ୍ତି ଯେ କମିଟି ଏହାର ଡ୍ରାଫ୍ଟ ଫେବୃଆରୀ ୨ରେ ଦାଖଲ କରିବ ଏବଂ ସରକାର ବିଧାନସଭାର ଆଗାମୀ ଅଧିବେଶନରେ ଏହାକୁ କାର୍ଯ୍ୟକାରୀ କରିବେ। ମୁଖ୍ୟମନ୍ତ୍ରୀ ଧାମି ସ୍ପଷ୍ଟ ଭାବେ କହିଛନ୍ତି ଯେ ଡ୍ରାଫ୍ଟ ଗ୍ରହଣ ହେବା ମାତ୍ରେ ଏହା ଉପରେ ଏକ ବିଲ ଅଣାଯିବ ଏବଂ ଏହା କାର୍ଯ୍ୟକାରୀ ହେବ। ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ତାଙ୍କ ସୋସିଆଲ ମିଡିଆ ପୋଷ୍ଟରେ ଲେଖିଛନ୍ତି ଯେ ରାଜ୍ୟରେ ୟୁନିଫର୍ମ ସିଭିଲ କୋଡ ଲାଗୁ କରିବା ପାଇଁ ସର୍ବଦା ପ୍ରତିବଦ୍ଧ। ୟୁନିଫର୍ମ ସିଭିଲ କୋଡର ଡ୍ରାଫ୍ଟ ପ୍ରସ୍ତୁତ କରିବାକୁ ଗଠିତ କମିଟି ଏହାର ଡ୍ରାଫ୍ଟ ଫେବୃଆରୀ ୨ରେ ରାଜ୍ୟ ସରକାରଙ୍କ ନିକଟରେ ଦାଖଲ କରିବ ଏବଂ ଆସନ୍ତା ବିଧାନସଭା ଅଧିବେଶନରେ ଏକ ବିଲ ଆଣି ରାଜ୍ୟରେ ୟୁନିଫର୍ମ ସିଭିଲ କୋଡ କାର୍ଯ୍ୟକାରୀ କରିବୁ। ମୁଖ୍ୟମନ୍ତ୍ରୀ କହିଛନ୍ତି ଯେ ୧ ଫେବୃଆରୀରେ ବିଧାନସଭା ଅଧିବେଶନ ଡକାଯାଇଛି। ସମାନ ଅଧିବେଶନରେ ୟୁନିଫର୍ମ ସିଭିଲ କୋଡ ଅର୍ଥାତ୍ ୟୁସିସି କାର୍ଯ୍ୟକାରୀ କରିବାକୁ ଏକ ବିଲ ମଧ୍ୟ ପାରିତ ହେବ। ଏହା ସହିତ ଉତ୍ତରାଖଣ୍ଡ ପ୍ରଥମ ରାଜ୍ୟ ହେବ ଯେଉଁଠାରେ ୟୁନିଫର୍ମ ସିଭିଲ କୋଡ ଲାଗୁ ହେବ।
