ପୁଣି ରାଜଧାନୀରେ ଫୁଟିଲା ଗୁଳି । ଝାରପଡ଼ାରେ ଗାଡ଼ି ସାଇଡ୍ ମାରିବାକୁ ନେଇ ୨ଟି ବନ୍ଧୁକରେ ୧୨ ରାଉଣ୍ଡ ଫାୟାରିଂ । ଗୁଳିମାଡ଼ରେ ଗୁରୁତର ଆହତ ୨ଜଣ କ୍ୟାପିଟାଲ ହସ୍ପିଟାଲରେ ଭର୍ତ୍ତି । ଗୋଟିଏ ବନ୍ଧୁକ ଜବତ, ୨ ଅଟକ । ଅନ୍ୟ ଏକ ବନ୍ଧୁକ ନେଇ ୨ ଦୁର୍ବୃତ୍ତ ଚମ୍ପଟ ମାରିଥିବା ସୂଚନା ରହିଛି । ବୁଧବାର ବିଳମ୍ବିତ ରାତିରେ ଝାରପଡ଼ା ଜଗନ୍ନାଥ ନଗର ଲେନ-1 କଲ୍ୟାଣମଣ୍ଡପରେ ଭୋଜି ସମୟରେ କାର୍ ସାଇଡ କରିବାକୁ ନେଇ ଗଣ୍ଡଗୋଳରୁ ଉତ୍ତ୍ୟକ୍ତ ୪ ଦୁର୍ବୃତ୍ତ ଅତର୍କିତ ଗୁଳି ଚଳାଇଥିଲେ । ଝାରପଡାର ଶିଖର ଜେନା ଓ ତାଙ୍କ ପୁଅ ରିଙ୍କୁ ଜେନାଙ୍କ ଗୋଡ଼ରେ ବାଜିଛି ଗୁଳି । ଶିଖର ଜେନାଙ୍କ ବାମ ପଟ ଗୋଡ଼ରେ ବାଜିଛି ଗୁଳି ପୁଅ ରିଙ୍କୁ ଜେନାଙ୍କ ଡାହାଣ ପଟ ଗୋଡରେ ଲାଗିଛି ଆଘାତ । ଗୁରୁତର ଅବସ୍ଥାରେ ଉଭୟଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି I ପ୍ରଭାତ ମାର୍ଥା ନାମକ ଯୁବକ ଦୁଇଟି ବନ୍ଧୁକ ଧରି ପୋଲିସ ସମ୍ମୁଖରେ ଗୁଳିମାଡ଼ କରିଥିବା ପୋଲିସ ସୂଚନା ଦେଇଛନ୍ତି । ପୋଲିସ ଅନ୍ୟ ଅଭିଯୁକ୍ତଙ୍କୁ ଖୋଜୁଛି ।
