ଦୁଇ ଛାତ୍ରଙ୍କ ସଲୀଳ ସମାଧି
ସୁନ୍ଦରଗଡ ଜିଲ୍ଲା ରାଉରକେଲାରେ ଦେଖିବାକୁ ମିଳିଛି ଅଭାବନୀୟ ଘଟଣା | ରାଉରକେଲାର କୋଏଲ ନଦୀରେ ବୁଡି ଦୁଇ ଛାତ୍ରଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଦୁଇଜଣଙ୍କୁ ଉଦ୍ଧାର କରାଯାଇଛି | ସମସ୍ତେ ବାସନ୍ତୀ କଲୋନି ଡ଼ିଏଭି ସ୍କୁଲ ଛାତ୍ର ବୋଲି ସୂଚନା ରହିଛି | ସମସ୍ତଙ୍କ ଘର ଲେବରଟେନମେଣ୍ଟରେ l ସ୍କୁଲ ଛୁଟି ପରେ ଏକାଠି ହୋଇ ପ୍ରଧାନପାଲି ରେଳପୋଲ କୋଏଲ ନଦୀକୁ ଗାଧୋଇବାକୁ ଯାଇଥିଲେ | ତେବେ ସେଠାରେ ଦୁହେଁ ବୁଡିଯାଇଥିଲେ | ମୃତକ ହେଲେ ପ୍ରିୟାଂଶୁ ଭୋଳ ଓ ରଞ୍ଜନ ପାଢ଼ୀ | ପୁଲିସ ଘଟଣାସ୍ଥଳରେ ପହଂଚି ତଦନ୍ତ ଜାରି ରଖିଛି |
