ଜାମ୍ମୁକାଶ୍ମୀରରେ ଦୁଇ ଆତଙ୍କୀ ନିହତ
ଜାମ୍ମୁ କାଶ୍ମୀର ଅଞ୍ଚଳରେ ପୁଣି ସେନାର ଏନକାଉଣ୍ଟର । ୨ ଆତଙ୍କବାଦୀ ନିହତ । ତେବେ ବାରମ୍ବାର ଜାମ୍ମୁକାଶ୍ମୀର ଅଞ୍ଚଳରେ ଆତଙ୍କବାଦୀଙ୍କ ଅନୁପ୍ରବେଶ ଦେଖିବାକୁ ମିଳିଥିବା ବେଳେ ଏହାକୁ ପ୍ରତିହତ କରିବା ଲାଗି ସେନା ସବୁବେଳେ କୁମ୍ବିଙ୍ଗ ଅପରେସନ ପାଇଁ ତୟାର। ସୂଚନା ଅନୁସାରେ ଗତକାଲି ରାତିରୁ ଚାଲିଥିଲା କାଶ୍ମୀର ପୋଲିସ ଓ ସେନାର ମିଳିତ ଏନକାଉଣ୍ଟର । ସୋପିଆନ ଜିଲ୍ଲାର ଆସିପୋରା ଗାଁ ନିକଟରେ ସେନା ଓ ଆତଙ୍କବାଦୀ ମୁହାଁମୁହିଁ ହୋଇଥିଲେ ।
ପାକିସ୍ତାନର ନିଶିଦ୍ଧ ଆତଙ୍କବାଦୀ ସଂଗଠନ ଲସ୍କର ଏ ତୋଇବା ସହ ସମ୍ପର୍କରେ ଏହି ଦୁଇ ଆତଙ୍କବାଦୀ କାର୍ଯ୍ୟକଳାପ ଚଲାଇ ଆସୁଥିଲେ । ଦୁଇ ଆତଙ୍କବାଦୀ ଲସକର ଏ ତୋଇବା ସଂଗଠନର ସଦସ୍ୟ ବୋଲି ଜଣାପଡିଛି । ଦୁଇ ନିହତ ଆତଙ୍କବାଦୀ ସ୍ଥାନୀୟ ଅଂଚଳର । ମୃତ ଆତଙ୍କବାଦୀଙ୍କ ମଧ୍ୟରେ ଅବରାର ନାମକ ଆତଙ୍କବାଦୀ କାଶ୍ମୀର ପଣ୍ଡିତଙ୍କ ନରସଂହାରରେ ଜଡ଼ିତ ଥିବା ସୂଚନା ରହିଛି । ମାସକ ମଧ୍ୟରେ ସେନା ଓ ଆତଙ୍କବାଦୀ ମଧ୍ୟରେ ଏହା ତୃତୀୟ ଗୁଳିବିନିମୟ ।
