ସୌମ୍ୟଙ୍କୁ ଟାର୍ଗେଟ କଲେ ଦଳୀୟ ମନ୍ତ୍ରୀ ଅତନୁ ସବ୍ୟସଚୀ !
ସବୁବେଳ ନିଜ ଆଲେଖ୍ୟକୁ ନେଇ ଚର୍ଚ୍ଚାରେ ଥିବା ସୌମ୍ୟରଞ୍ଜନ ପଟ୍ଟନାୟକଙ୍କ ଉପରେ କ୍ଷୁବ୍ଧ ହୋଇଛନ୍ତି ନିଜ ଦଳୀୟ ମନ୍ତ୍ରୀ ଅତନୁ ସବ୍ୟସାଚୀ ନାୟକ । ଏକ ଭିଡ଼ିଓରେ ସୌମ୍ଯ ବାବୁ କହୁ କହୁ କିଛି ସତ କଥା କହି ଦେଇଛନ୍ତି , ଯାହା ଦଳୀୟ ନେତାଙ୍କ ତଣ୍ଟିରେ ଏବେ କଣ୍ଟା ହୋଇ ଲାଗିଛି । ଯାହାକୁ ନେଇ ସୌମ୍ୟଙ୍କୁ ଟାର୍ଗେଟ କରିଛନ୍ତି ମନ୍ତ୍ରୀ ଅତନୁ। କହିଛନ୍ତି ଦଳରେ ଥାଇ ଦଳକୁ ବ୍ଲାକମେଲ କରୁଛନ୍ତି ସୌମ୍ୟ ପଟ୍ଟନାୟକ । ପୂର୍ବରୁ ଅନେକ ଥର ଏମିତି କରିଛନ୍ତି ଏହା ତାଙ୍କ ପୁରୁଣା ଅଭ୍ୟାସ । ସୌମ୍ୟ ବାବୁଙ୍କ ଲେଖାର ପ୍ରଭାବ ଲୋକଙ୍କ ଉପରେ ପଡ଼ିବନି । ସୌମ୍ୟ ବାବୁ କଣ, କେତେ ଥର ଦଳ ପରିବର୍ତ୍ତନ କରି ଏଠିକି ଆସିଛନ୍ତି ତାହା ରାଜ୍ୟବାସୀ ଜାଣିଛନ୍ତି । ବିଗତ ଦିନ ରେ ମଧ୍ୟ ସେ ବ୍ଲାକମେଲ କରିଥିଲେ ।
ମୁଖ୍ୟମନ୍ତ୍ରୀଙ୍କ ନିର୍ଦେଶ ରେ ମୁଖ୍ୟମନ୍ତ୍ରୀଙ୍କ ଦପ୍ତର ରାଜ୍ୟ ଗସ୍ତ କରି ଲୋକଙ୍କ ପାଖକୁ ଯାଇ ଅଭିଯୋଗ ଆଣିଲେ, ସେଥିରେ ସୌମ୍ୟ ବାବୁଙ୍କ ଅସୁବିଧା କେଉଁଠି ରହିଲା ? ସୌମ୍ୟ ବାବୁ ଯେଉଁ ମନ୍ତବ୍ୟ ଲେଖୁଛନ୍ତି ତାକୁ ଆମେ ବିରୋଧ କରୁଛୁ । ବ୍ଲାକମେଲ କରିବା କିମ୍ବା ରାଜନୈତିକ ସଂକୀର୍ଣ୍ଣତାକୁ ନେଇ ଚାଲିବା ଠିକ ନୁହେଁ । ଦଳକୁ ମୁଖ୍ୟମନ୍ତ୍ରୀଙ୍କ ଦପ୍ତର କୁ ବାରମ୍ବାର ଟାର୍ଗେଟ କରୁଛନ୍ତି ତାହା ଠିକ ନୁହେଁ । ଏମିତି କଲେ ଦଳ ତାଙ୍କ ଉପରେ କଡାକାର୍ଯ୍ୟାନୁଷ୍ଠାନ ନେବ ବୋଲି ସିଧା ସିଧା କହିଛନ୍ତି ଅତନୁ । ତେବେ କିଛିଦିନ ପୂର୍ବରୁ ସୌମ୍ଯ ବାବୁ ନିଜ ସଂପାଦକୀୟ ପୃଷ୍ଠାରେ ସଚିବଙ୍କ ଜିଲ୍ଲା ଗସ୍ତକୁ ନେଇ କଟାକ୍ଷ କରିଥିବା କଥା ତଥା ମଝିରେ ମଝିରେ ସୌମ୍ୟଙ୍କ ବାଣ ଦଳୀୟ ନେତା ହଜମ କରିପାରୁନଥିବା ଦେଖିବାକୁ ମିଳିଛି । ଯାହାର ଉଦାହରଣ ଏବେ ଅତନୁ କ୍ଷୁବ୍ଧ ହୋଇଥିବା ଦେଖିବାକୁ ମିଳିଛି ।
