ଗାଁରେ ପଶି ଘର ଭାଙ୍ଗୁଛନ୍ତି ୪ଟିକିଆ ହାତୀପଲ !
ଗାଁରେ ବୁଲୁଛନ୍ତି ହାତୀ ପଲ , ଯାହାକୁ ନେଇ ଚାରିଆଡେ ଏବେ ଖେଳିଛି ଆତଙ୍କ । ଏଭଳି ଘଟଣା ଦେଖିବାକୁ ମିଳିଛି ସୁନ୍ଦରଗଡ଼ ସଦର ବ୍ଲକ ଅଞ୍ଚଳରେ । ୪ ଟିକିଆ ହାତୀ ପଲ ସଦର ବ୍ଲକର କିଞ୍ଜିମା, ମହୁଲ ଜୋର, ଘଣ୍ଟିବୁଡ଼ ଅଞ୍ଚଳରେ ଉପଦ୍ରବ କରି ଆତଙ୍କ ଖେଳାଇଥିବା ଏଖିବାକୁ ମିଳିଛି । ୪ଟି ହାତୀ ଦିନ ବେଳା ନିକଟସ୍ଥ ଜଙ୍ଗଲକୁ ଯିବା ସହିତ ସଂଧ୍ୟା ହେଲେ ଗାଁ ମୁହାଁ ହେଉଛନ୍ତି । ଗାଁରେ ପଶି ଘରଦ୍ୱାର ଭାଙ୍ଗିବା ସହ ବ୍ୟାପକ ଫସଲ ନଷ୍ଟ କରୁଛନ୍ତି । ଜଙ୍ଗଲ ବିଭାଗ ମଧ୍ୟ ହାତୀ ଘଉଡାଇବାରେ ବିଫଳ ହୋଇଛି । ଏକ ମାସ ହେବ ହାତୀ ଉପଦ୍ରବ କରୁଥିବାରୁ ଗାଁଲୋକେ ଭୟଭୀତ ହୋଇପଡ଼ିଛନ୍ତି । ଲୋକେ ରାତି ଅନିଦ୍ରା ହୋଇ ଜଗି ରହୁଛନ୍ତି । ତେବେ ବନ ବିଭାଗ ଏନେଇ ସ୍ଥାଣୁ ହୋଇଥିବା ବେଳେ ଏହାକୁ ନେଇ ସ୍ଥାନିୟରେ ଜନ ଅସନ୍ତୋଷ ବଢିବାରେ ଲାଗିଛି ।
